ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ນິຕິບຸກຄົນ ທີ່ມີຈຸດປະສົງສ້າງຕັ້ງບໍລິສັດຫຼັກຊັບ ຊຶ່ງສາມາດເຄື່ອນໄຫວທຸລະກິດ ປະເພດໃດໜຶ່ງ ດັ່ງນີ້: ທີ່ປຶກສາດ້ານການເງິນ (ໃຫ້ຄໍາປຶກສາກ່ຽວກັບ ການປັບປຸງໂຄງສ້າງດ້ານການ ຈັດຕັ້ງ, ການຄຸ້ມຄອງບໍລິຫານ, ດ້ານການເງິນ ແລະ ອື່ນໆ ເພື່ອກະກຽມການອອກຈໍາໜ່າຍຫລັກ ຊັບໃຫ້ແກ່ມວນຊົນ ແລະ ການຈົດທະບຽນໃນຕະຫລາດຫລັກຊັບ), ນາຍໜ້າຊື້-ຂາຍຫລັກຊັບ (ເປັນສື່ການ ຫລື ເປັນຕົວແທນ ເພື່ອດໍາເນີນທຸລະກໍາຊື້-ຂາຍຫລັກຊັບ ຕາມການສັ່ງຂອງລູກຄ້າ ແລະ ໃຫ້ຄໍາປຶກສາແກ່ຜູ້ລົງທຶນ) ແລະ ຜູ້ຄໍ້າປະກັນການອອກຈໍາໜ່າຍຫລັກຊັບ (ໃຫ້ການຄໍ້າ ປະກັນການອອກຈໍາໜ່າຍຫລັກຊັບ ດ້ວຍການຊ່ວຍຈໍາໜ່າຍ ຫລື ຮັບຊື້ຫລັກຊັບບາງສ່ວນ ຫລື ທັງໝົດ ຈາກບໍລິສັດອອກຈໍາໜ່າຍຫລັກຊັບ ໃນສ່ວນທີ່ຈໍາໜ່າຍບໍ່ໝົດ ເພື່ອຮັບປະກັນຄວາມ ສໍາເລັດຂອງການອອກຈໍາໜ່າຍຫລັກຊັບ)

1. ມີທຶນຈົດທະບຽນຂັ້ນຕໍ່າ 5 ຕຶ້ກີບ ສໍາລັບ ບໍລິສັດທີ່ສະໜອງບໍລິການທີ່ປຶກສາດ້ານການເງິນ; 30 ຕຶ້ກີບ ສໍາລັບ ບໍລິສັດທີ່ສະໜອງບໍລິການນາຍໜ້າຊື້-ຂາຍຫລັກຊັບ; ແລະ 100 ຕື້ກີບ ສໍາລັບ ບໍລິສັດທີ່ສະໜອງບໍລິການຄໍ້າປະກັນການອອກຈໍາໜ່າຍຫລັກຊັບ 
2. ມີຄູ່ຮ່ວມທຶນທີ່ເປັນທະນາຄານທຸລະກິດທີ່ຖືກສ້າງຕັ້ງຖືກຕ້ອງຕາມກົດໝາຍຂອງ ສປປ ລາວ ຢ່າງໜ້ອຍໜຶ່ງຜູ້ຖືຮຸ້ນ ແລະ ຕ້ອງຖືຮຸ້ນລວມກັນ 30% ຂຶ້ນໄປ ກໍລະນີບໍລິສັດຫລັກຊັບ ປະເພດນາຍໜ້າຊື້-ຂາຍຫລັກຊັບ ແລະ ຄໍ້າປະກັນການອອກຈໍາໜ່າຍຫລັກຊັບ ແລະ ມີຄຸ່ຮ່ວມທຶນ ທີ່ເປັນນິຕິບຸກຄົນ ຫລື ນິຕິບຸກຄົນພາຍໃນ ທີ່ຖືກສ້າງຕັ້ງຂຶ້ນ ຕາມກົດໝາຍຂອງ ສປປ ລາວ ແລະ ຖືຮຸ້ນລວມກັນແຕ່ 10% ຂຶ້ນໄປ ສໍາລັບ ປະເພດທີ່ປຶກສາດ້ານການເງິນ
3. ມີຊື່ສຽງ ແລະ ມີສະມາຊິກສະພາບໍລິຫານ ແລະ ຄະນະອໍານວຍການທີ່ມີຄວາມຮູ້ຄວາມສາມາດ ແລະ ປະສົບການ ໃນການດຳເນີນທຸລະກິດຫຼັກຊັບ, ການເງິນ-ການທະນາຄານ ຫຼື ການບັນຊີຢ່າງຕ່ຳ 5 ປີ
4. ມີແຜນການດໍາເນີນທຸລະກິດຢ່າງໜ້ອຍ 3 ປີທໍາອິດ ພາຍຫລັງການສ້າງຕັ້ງ
5. ມີຖານະການເງິນດີ ແລະ ໄດ້ຮັບການກວດສອບຈາກບໍລິສັດກວດສອບ 
6. ບໍ່ຖືກດໍາເນີນຄະດີ ຫລື ຖືກສານຕັດສິນລົງໂທດທາງອາຍາ ເປັນຕົ້ນ ສະຖານສໍ້ໂກງຊັບ, ຍັກຍອກຊັບ ແລະ ມີການກະທໍາຜິດກ່ຽວກັບທຸລະກິດດ້ານຫລັກຊັບ, ການເງິນ-ການທະນາຄານ ຫລື ການບັນຊີ
7. ຜູ້ຂໍອະນຸຍາດສ້າງຕັ້ງບໍລິສັດຫລັກຊັບ ຈາກຕ່າງປະເທດ ຕ້ອງແມ່ນ ບໍລິສັດຫລັກຊັບເທົ່ານັ້ນ ແລະ ຕ້ອງໄດ້ຮັບອະນຸຍາດຈາກ ຄລຕ ປະເທດຕົນ
8. ກໍລະນີ ບໍລິສັດຫລັກຊັບ ປະເພດນາຍໜ້າຊື້-ຂາຍຫລັກຊັບ ແລະ ຄໍ້າປະກັນການອອກຈໍາໜ່າຍຫລັກ ຊັບ ຕ້ອງມີສັນຍາຮ່ວມທຶນທະນາຄານດູແລຊັບສິນ ຢ່າງໜ້ອຍ 1 ທະນາຄານ ເພື່ອເຮັດໜ້າທີ່ໃນການຊໍາລະ
9. ພາຍຫລັງຈາກໄດ້ຮັບໃບອະນຸຍາດສ້າງຕັ້ງຊົ່ວຄາວ ຕ້ອງໄດ້ຖອກທຶນຄົບຖ້ວນ ຕາມອັດຕາສ່ວນ ຂອງຜູ້ຖືຮຸ້ນ
10. ມີສໍານັກງານ ແລະ ອຸປະກອນຮັບໃຊ້ການດໍາເນີນທຸລະກິດຫລັກຊັບທີ່ເໝາະສົມ ແລະ ທັນສະໄໝ
11. ມີລະບົບການປະຕິບັດວຽກງານໃນແຕ່ລະພະແນກການ, ລະບົບການກວດກາ, ການຄວບຄຸມພາຍໃນ ແລະ ການບໍລິຫານຄວາມສ່ຽງ
12. ມີນັກວິຊາຊີບທຸລະກິດຫລັກຊັບ ທີ່ມີໃບຢັ້ງຍືນວິຊາຊີບທຸລະກິດຫລັກຊັບ ຕາມປະເພດທີ່ໄດ້ຮັບ ອະນຸຍາດ ແລະ ມີພະນັກງານວິຊາການ ໃນຈໍານວນທີ່ເໝາະສົມ
13. ຕ້ອງມີໂຄງປະກອບການຈັດຕັ້ງ ຊຶ່ງປະກອບດ້ວຍສະພາບໍລິຫານ, ຄະນະກໍາມະການສະເພາະດ້ານຂອງສະພາບໍລິຫານ (ຄະນະກໍາມະການກວດກາພາຍໃນ, ຄະນະກໍາມະການຕິດຕາມການຈັດຕັ້ງປະຕິບັດລະບຽບກົດໝາຍ ເປັນຕົ້ນ) ທີ່ມີຄຸນະສົມບັດ ແລະ ເງື່ອນໄຂຕາມກົດໝາຍ

1. ໃນກໍລະນີທີ່ ຜູ້ຂໍສ້າງຕັ້ງ ບໍ່ສາມາດປະຕິບັດເງື່ອນໄຂຕາມທີ່ກໍານົດໄວ້ ພາຍຫລັງໄດ້ຮັບໃບອະນຸຍາດສ້າງຕັ້ງຊົ່ວຄາວ ພາຍໃນກໍານົດ 180 ວັນ, ໃບອະນຸຍາດສ້າງຕັ້ງບໍລິສັດຫລັກຊັບຊົ່ວຄາວນັ້ນ ກໍ່ຈະຕົກໄປ ເວັ້ນແຕ່ຈະມີເຫດຜົນພຽງພໍ ຊຶ່ງ ຄຄຊ ອາດຕໍ່ກໍານົດເວລາຂອງໃບອະນຍຸາດສ້າງຕັ້ງຊົ່ວຄາວໄດ້ ແຕ່ບໍ່ໃຫ້ເກີນ 90 ວັນ
2. ພາຍຫລັງທີ່ໄດ້ຮັບໃບອະນຸຍາດສ້າງຕັ້ງຖາວອນແລ້ວ, ຜູ້ໄດ້ຮັບອະນຸຍາດ ຕ້ອງແຈ້ງຂຶ້ນທະບຽນ ວິສາຫະກິດ ແລະ ດໍາເນີນທຸລະກິດ
3. ບໍລິສັດຫລັກຊັບ ທີ່ໄດ້ຂຶ້ນທະບຽນວິສາຫະກິດແລ້ວ ຕ້ອງປະກາດໃຫ້ມວນຊົນຊາບ ຜ່ານສື່ມວນຊົນ ພາຍໃນກໍານົດ 5 ວັນນັບແຕ່ວັນໄດ້ຮັບໃບທະບຽນວິສາຫະກິດ ເປັນຕົ້ນໄປ