ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ຂໍ້ມູນທີ່ໄດ້ຮັບຈາກຂະແໜງການທີ່ກ່ຽວຂ້ອງ
ຊື່ຂອງແບບຟອມ	ໃບຕິດຕາມການຖືບັນຊີ
ປະເພດເອກະສານ	ອື່ນໆ
ວັນທີແກ້ໄຂຂໍ້ມູນລ່າສຸດ	04.01.2018
ພາກສ່ວນຮັບຜິດຊອບ	ກົມບັນຊີ
LSIC	ທຸກພາກສ່ວນ
ຜູ້ທີ່ສາມາດຍື່ນຂໍເອກະສານ	ຫົວໜ່ວຍທຸລະກິດ ທີ່ໄດ້ຂຶ້ນທະບຽນວິສາຫະກິດ ຊຶ່ງມີຖານະເປັນນິຕິບຸກຄົນ ແລະ ວິສາຫະກິດທີ່ດໍາເນີນການທຸລະກິດຊົ່ວຄາວ ຊຶ່ງໄດ້ຮັບໃບຕິດຕາມການມອບພັນທະ ຈາກຂະແໜງສ່ວຍສາອາກອນ ຢູ່ ສປປ ລາວ ໃນຂອບເຂດທົ່ວປະເທດ (ໝວດທີ 1, ຂໍ້ 4 ຂອງບົດແນະນໍາ ເລກທີ 0928).
ເງື່ອນໄຂໃນການຂໍເອກະສານ	ຫົວໜ່ວຍຖືບັນຊີວິສາຫະກິດ ຕ້ອງສົ່ງເອກະສານລາຍງານການເງິນປະຈໍາປີ ແລະ ບົດລາຍງານການກວດສອບ (ຖ້າມີ) ໃຫ້ຂະແໜງບັນຊີທີ່ຕົນຂຶ້ນກັບ ແລະ ຂະແໜງການອື່ນຕາມລະບຽບກົດໝາຍກໍານົດ ພາຍໃນ 3 ເດືອນ ຫຼັງຈາກປິດບັນຊີປະຈໍາປີ (ບໍ່ໃຫ້ກາຍວັນທີ 31 ມີນາຂອງທຸກໆປີ) (ໝວດທີ 3, ຂໍ້ 9 ຂອງບົດແນະນໍາ ເລກທີ 0928).
ຄໍາເຫັນເພີ່ມເຕີມ	ໃບຕິດຕາມການຖືບັນຊີ ນໍາໃຊ້ເພື່ອຕິດຕາມ ແລະ ປະເມີນຜົນການຈັດຕັ້ງປະຕິບັດ ວຽກງານບນຊີ ຂອງຫົວໜ່ວຍຖືບັນຊີວິສາຫະກິດໃນປີຜ່ານມາ ເພື່ອເປັນບ່ອນອີງໃນການອອກໃບຕິດຕາມການຖືບັນຊີ ຂອງປີຕໍ່ໄປ ຊຶ່ງມີກໍານົດເວລາ 01 ປີການບັນຊີ (01 ມັງກອນ ຫາ 31 ທັນວາ ຂອງທຸກໆປີ). ໃບຕິດຕາມການຖືບັນຊີ ບໍ່ໄດ້ນໍາໃຊ້ເພື່ອຢັ້ງຢືນຄວາມຖືກຕ້ອງ ດ້ານຈໍານວນຕົວເລກໃນເອກະສານລາຍງານການເງິນ ຂອງຫົວໜ່ວຍຖືບັນຊີວິສາຫະກິດ ແຕ່ເພື່ອເນັ້ນການຊຸກຍູ້ການຈັດຕັ້ງປະຕິບັດວຽກງານບັນຊີ ໃຫ້ຖືກຕ້ອງຕາມກົດໝາຍ ແລະ ລະບຽບການດ້ານບັນຊີ (ໝວດທີ 2, ຂໍ້ 6 ຂອງບົດແນະນໍາ ເລກທີ 0928)

ກົດໝາຍ ແລະ ນິຕິກໍາອື່ນໆ ທີ່ກ່ຽວຂ້ອງ
ຊື່	ເລກທີ	ລົງວັນທີ	ໝາຍເຫດ
ຄຳແນະນຳ ວ່າດ້ວຍການຈັດຕັ້ງປະຕິບັດກົດໝາຍວ່າດ້ວຍການບັນຊີ	531/ກງ	26.02.2016	ມາດຕາ 25
ກົດໝາຍວ່າດ້ວຍ ການບັນຊີ (ສະບັບປັບປຸງ)	47/ສພຊ	26.12.2013	ມາດຕາ 31 & 48
ບົດແນະນຳ ການອອກໃບຕິດຕາມການຖືບັນຊີ ຂອງຫົວໜ່ວຍຖືບັນຊີວິສາຫະກິດ	0928/ກງ	27.03.2019		""

ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຄັ້ງ​ທໍາ​ອິດ
ຊື່	ປະເພດ	ໝາຍເຫດ
ການປະກອບເອກະສານແມ່ນອີງຕາມແຕ່ລະປະເພດຂອງວິສາຫະກິດຕົນ	ການກະ ທຳ ທີ່ຢັ້ງຢືນ	ຫົວໜ່ວຍຖືບັນຊີວິສາຫະກິດ ຕ້ອງປະກອບເອກະສານລາຍງານການເງິນ ແລະ ບົດລາຍງານການກວດສອບ (ຖ້າມີ) ຕາມແຕ່ລະປະເພດຂອງວິສາຫະກິດຕົນ ດັ່ງທີ່ໄດ້ກໍານົດໄວ້ໃນມາດຕາ 31 ຂອງກົດໝາຍວ່າດ້ວຍການບັນຊີ ຄື: 1. ຈຸນລະວິສາຫະກິດ ປະກອບມີ: - ປຶ້ມບັນຊີປະຈໍາວັນຄັງເງິນສົດລວມ; - ໃບລາຍງານການຮັບ-ການຈ່າຍເງິນສົດ. 2. ວິສາຫະກິດຂະໜາດນ້ອຍ ແລະ ກາງ ປະກອບມີ: - ໃບລາຍງານຖານະການເງິນ; - ໃບລາຍງານຜົນການດໍາເນີນງານ; - ບົດອະທິບາຍຊ້ອນທ້າຍເອກະສານລາຍງານການເງິນ. 3. ວິສາຫະກິດຂະໜາດໃຫຍ່ ແລະ ວິສາຫະກິດທີ່ຮັບໃຊ້ຜົນປະໂຫຍດສາທາລະນະ ນອກຈາກທີ່ປະກອບເອກະສານລາຍງານການເງິນຂ້າງເທິງ ສໍາລັບວິສາຫະກິດຂະໜາດນ້ອຍ ແລະ ກາງ ໃຫ້ປະກອບໃບລາຍງານສ່ວນປ່ຽນແປງທຶນເຈົ້າຂອງ ແລະ ໃບລາຍງານກະແສເງິນສົດ ພ້ອມ. ນອກຈາກ ການປະກອບເອກະສານລາຍງານການເງິນ, ບັນດາຫົວໜ່ວຍຖືບັນຊີວິສາຫະກິດ ແຕ່ລະຂະໜາດຍັງອາດຕ້ອງປະກອບເອກະສານເພີ່ມເຕີມ ເພື່ອຢັ້ງຢືນການປະຕິບັດການເສຍພັນທະຕ່າງໆ ລວມມີທັງພັນທະການເສຍອາກອນ ແລະ ເອກະສານອື່ນໆ ເພື່ອຢັ້ງຢືນສະຖານະດ້ານການເງິນ ແລະ ຄວາມຖືກຕ້ອງໃນການຖືບັນຊີ. (ໝວດທີ 3, ຂໍ້ 8 ຂອງບົດແນະນໍາ ເລກທີ 0928)

ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຕໍ່ອາຍຸ
ຊື່	ປະເພດ	ໝາຍເຫດ

ເອກະສານທີ່ຕ້ອງປະກອບສຳລັບການຍື່ນຂໍເອກະສານ
ປະເພດເອກະສານ	ຊື່ເອກະສານ
ຕົວຢ່າງຂອງໃບອະນຸຍາດ / ໃບຢັ້ງຢືນ / ໃບຮັບຮອງ	ໃບຕິດຕາມການຖືບັນຊີ ປະຈຳປີ 2017

 

ຮູບແບບການຍື່ນເອກະສານ
ການຍື່ນເອກະສານ	ຢູ່ທີ່ຫ້ອງການເຈົ້າຫນ້າທີ່
ທີ່ຢູ່ຂອງພາກສ່ວນທີ່ຮັບຜິດຊອບ	ກົມບັນຊີ, ກະຊວງການເງິນ
ໄລຍະເວລາໃນການ ພິຈາລະນາຄຳຮ້ອງ (ວັນ)	5	ອອກໃບຕິດຕາມການຖືບັນຊີ ໃຫ້ສໍາເລັດຊ້າສຸດ 5 ວັນລັດຖະການ ພາຍຫຼັງສຳເລັດການເຮັດບົດບັນທຶກ (ໝວດທີ 3, ຂໍ້ 12 ຂອງບົດແນະນໍາ ເລກທີ 0928).

 

ການຕໍ່ອາຍຸເອກະສານ
ເອກະສານມີກຳນົດອາຍຸ ຫຼື ບໍ່?	ມີ
ໃບອະນຸຍາດມີອາຍຸການນຳໃຊ້ຈັກເດືອນ?	12
ມີຂັ້ນຕອນແລະເງື່ອນໄຂແນວໃດເພື່ອໃຫ້ໄດ້ຮູບແບບ?
ຂັ້ນຕອນ ແລະ ເງື່ອນໄຂສຳລັບການຕໍ່ອາຍຸເອກະສານ	ໃບຕິດຕາມການຖືບັນຊີມີອາຍຸການນຳໃຊ້ແຕ່ວັນທີ 1 ມັງກອນ ຫາ 31​ທັນວາ. 1. ສຳລັບຫົວໜ່ວຍວິສາຫະກິດ ທີ່ມີການຖືບັນຊີແລ້ວ ແຕ່ບໍ່ທັນມີໃບຕິດຕາມການຖືບັນຊີ ຫຼື ຫົວໜ່ວຍທີ່ສ້າງຕັ້ງຂຶ້ນໃໝ່ ຫຼື ຫົວໜ່ວຍທີ່ຫາກໍ່ເລີ່ມຈັດຕັ້ງປະຕິບັດວຽກງານບັນຊີ ໃຫ້ປະຕິບັດຕາມຂັ້ນຕອນດັ່ງນີ້: - ລົງກວດກາກັບທີ່; - ເຮັດບົດບັນທຶກເກັບກໍາຂໍ້ມູນການຈັດຕັ້ງປະຕິບັດວຽກງານບັນຊີ; - ອອກໃບຕິດຕາມການຖືບັນຊີປະຈໍາປີ ເມື່ອມີການສະເໜີ ຫຼື ສົ່ງເອກະສານລາຍງານການເງິນປະຈໍາປີ ເປັນຄັ້ງທໍາອິດ ຕ້ອງໄດ້ດຳເນີນການກວດກາພາຍໃນເວລາຊ້າສຸດ 30 ວັນລັດຖະການ ພາຍຫຼັງທີ່ໄດ້ມີການແຈ້ງນັດໝາຍ ຈາກເຈົ້າໜ້າທີ່ບັນຊີ ກ່ຽວກັບ ການລົງກວດກາກັບທີ່ ໃຫ້ຫົວໜ່ວຍວິສາຫະກິດ, ບໍ່ດັ່ງນັ້ນຈະມີການກ່າວເຕືອນ ແລະ ດໍາເນີນມາດຕະການອື່ນໆ ຕາມລະບຽບກົດ ໝາຍ ຕໍ່ຫົວໜ່ວຍທີ່ບໍ່ໃຫ້ຄວາມຮ່ວມມື. ພາຍຫຼັງມີການດໍາເນີນການກວດກາ ຫົວໜ່ວຍຖືບັນຊີ ແລະ ເຈົ້າໜ້າທີ່ບັນຊີ ຕ້ອງເຮັດບົດບັນທຶກຮ່ວມກັນ ພ້ອມທັງປະກອບເອກະສານຄົບຖ້ວນ ໃຫ້ສໍາເລັດພາຍໃນເວລາຊ້າສຸດ 45 ວັນລັດຖະການ ແລະ ອອກໃບຕິດຕາມການຖືບັນຊີ ໃຫ້ສໍາເລັດຊ້າສຸດ 5 ວັນລັດຖະການ ພາຍຫຼັງສໍາເລັດບົດບັນທຶກ. 2. ສຳລັບຫົວໜ່ວຍທີ່ເຄີຍໄດ້ມີ ການຕິດຕາມກວດກາການຖືບັນຊີ (ມີໃບຕິດຕາມການຖືບັນຊີປະຈໍາປີ) ໃຫ້ປະຕິບັດຕາມຂັ້ນຕອນດັ່ງນີ້: - ກວດກາຕາມເອກະສານ ແລະ ຖ້າຈໍາເປັນຕ້ອງມີການກວດກາ ເອກະສານການບັນຊີອື່ນ ເພື່ອເປັນຫຼັກຖານຢັ້ງຢືນການແກ້ໄຂຂໍ້ຄົງຄ້າງ ກໍໃຫ້ລົງກວດກາກັບທີ່ຕື່ມອີກ; - ເຮັດບົດບັນທຶກເກັບກໍາຂໍ້ມູນການຈັດຕັ້ງປະຕິບັດວຽກງານບັນຊີ; - ອອກໃບຕິດຕາມການຖືບັນຊີປະຈໍາປີ. ພາຍຫຼັງມີການດໍາເນີນການກວດກາ ຫົວໜ່ວຍຖືບັນຊີ ແລະ ເຈົ້າໜ້າທີ່ບັນຊີ ຕ້ອງເຮັດບົດບັນທຶກຮ່ວມກັນ ພ້ອມທັງປະກອບເອກະສານຄົບຖ້ວນ ໃຫ້ສໍາເລັດພາຍໃນເວລາຊ້າສຸດ 30 ວັນລັດຖະການ ແລະ ອອກໃບຕິດຕາມການຖືບັນຊີ ໃຫ້ສໍາເລັດຊ້າສຸດ 5 ວັນລັດຖະການ ພາຍຫຼັງສໍາເລັດບົດບັນທຶກ (ໝວດທີ 3, ຂໍ້ 12 ຂອງບົດແນະນໍາ ເລກທີ 0928).

 

ຄ່າທຳນຽມສຳລັບການຍື່ນຂໍເອກະສານ
ມີຄ່າໃຊ້ຈ່າຍ ຫຼື ບໍ່	ຄ່າບໍລິການ	ຄ່າທຳນຽມທາງວິຊາການ	ຄ່າໃບຄຳຮ້ອງ	ຄ່າໃຊ້ຈ່າຍທັງໝົດ
ມີ	100000.00	0.00	0.00	100000.00
ຄຳເຫັນ	ອີງຕາມ ໝວດທີ IV ຂໍ້ 16 ຂອງບົດແນະນໍາ ການອອກໃບຕິດຕາມການຖືບັນຊີຂອງຫົວໜ່ວຍຖືບັນຊີວິສາຫະກິດ ເລກທີ 0928 ແລະ ນິຕິກໍາກ່ຽວຂ້ອງ ທີ່ຖືກຮັບຮອງເປັນແຕ່ລະໄລຍະ.

 

ຄ່າທຳນຽມສຳລັບການຂໍຕໍ່ອາຍຸເອກະສານ
ມີຄ່າຕໍ່ອາຍຸເອກະສານ ຫຼື ບໍ?	ຄ່າບໍລິການ	ຄ່າທຳນຽມທາງວິຊາການ	ຄ່າໃບຄຳຮ້ອງ	ຄ່າໃຊ້ຈ່າຍທັງໝົດ
ບໍ່ມີ	0.00	0.00	0.00	0.00
ຄຳເຫັນ	ອີງຕາມຄໍາແນະນໍາຂອງເຈົາໜ້າທີ່

   

ເອກະສານອ້າງອີງ
ຊື່ເອກະສານ	ໝາຍເຫດ
ການປະກອບເອກະສານແມ່ນອີງຕາມແຕ່ລະປະເພດຂອງວິສາຫະກິດຕົນ

 

ສະຖິຕິ (ອອກຫຼື / ແລະເລກ ໃໝ່)
ປີ	ອອກ	ປ່ຽນ ໃໝ່
2016	297	0
2019	258	0