ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ, ນິຕິບຸກຄົນ, ຫົວໜ່ວຍບັນຊີ ແລະ ການຈັດຕັ້ງທີ່ກ່ຽວຂ້ອງທີ່ນຳໃຊ້ ແລະ ພັດທະນາໂປຣແກຣມບັນຊີຢູ່ ສປປ ລາວ ໃນຂອບເຂດທົ່ວປະເທດ

ເງື່ອນໄຂການຂໍອະນຸຍາດ ພັດທະນາໂປຣແກຣມບັນຊີເພື່ອຈຳໜ່າຍທົ່ວໄປຕ້ອງມີເງື່ອນໄຂດັ່ງນີ້:
1. ມີໃບທະບຽນວິສາຫະກິດ, ໃບຢັ້ງຢືນການມອບເລກປະຈຳຕົວຜູ້ເສຍອາກອນ ຫຼື ໃບຢັ້ງຢືນການມອບພັນທະອາກອນປະຈຳປີ ຂອງປີຜ່ານມາ, ໃບຕິດຕາມການຖືບັນຊີ ແລະ ໃບອະນຸຍາດຈາກກະຊວງໄປສະນີ
2. ມີພະນັກງານບັນຊີປະຈຳ, ມີນັກຊ່ຽວຊານບັນຊີ ຫຼື ອາດຈ້າງນັກຊ່ຽວຊານບັນຊີເປັນທີ່ປຶກສາ
3. ກໍລະນີນຳໃຊ້ໂປຣແກຣມບັນຊີສຳເລັດຮູບ ຫຼື ໂປຣແກຣມບັນຊີທີ່ມີລິຂະສິດ ຕ້ອງມີໃບອະນຸຍາດ ຫຼື ໃບສັນຍາຊື້-ຂາຍ ຈາກເຈົ້າຂອງໂປຣແກຣມ
ເງື່ອນໄຂການຂໍອະນຸຍາດນຳໃຊ້ ຫຼື ພັດທະນາໂປຣແກຣບັນຊີເພື່ອຊົມໃຊ້ເອງຕ້ອງມີເງື່ອນໄຂດັ່ງນີ້:
ຫົວໜ່ວຍຖືບັນຊີສາມາດພັດທະນາໂປຣແກຣມບັນຊີດ້ວຍຕົນເອງ ຫຼື ວ່າຈ້າງໃຫ້ພາກສ່ວນອື່ນພັດທະນາ ເພື່ອຮັບປະກັນການບັນທຶກບັນຊີ ແລະ ການສ້າງເອກະສານລາຍງານການເງິນໃຫ້ຖືກຕ້ອງຕາມບຽບກົດໝາຍການບັນຊີກຳນົດ. ເງື່ອນໄຂການຂໍອະນຸຍາດ ຕ້ອງປະກອບມີດັ່ງນີ້: 
1. ໜັງສືສະເໜີ ຫຼື ເອກະສານຢັ້ງຢືນຈາກອົງການຈັດຕັ້ງທີ່ກ່ຽວຂ້ອງ
2. ປະກອບເອກະສານ ຫຼື ໃບອະນຸຍາດຕ່າງໆທີ່ກ່ຽວຂ້ອງສຳລັບຜູ້ພັດທະນາ
3. ມີພະນັກງານບັນຊີປະຈຳ, ມີນັກຊ່ຽວຊານບັນຊີ ຫຼື ອາດຈ້າງນັກຊ່ຽວຊານບັນຊີເປັນທີ່ປຶກສາ
4. ກໍລະນີນຳໃຊ້ໂປຣແກຣມບັນຊີທີ່ມີການພັດທະນາມາແລ້ວ (ໄດ້ຈົດລິຂະສິດແລ້ວ) ຕ້ອງມີໃບອະນຸຍາດ ຫຼື ໃບສັນຍາຊື້-ຂາຍ ຈາກເຈົ້າຂອງໂປຣແກຣມ

- ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ພັດທະນາຊຸດຄຳສັ່ງໂປຣແກຣມບັນຊີກ່ອນຈະນຳໃຊ້ເອງ ຫຼື ຈຳໜ່າຍ ຕ້ອງໄດ້ຜ່ານການກວດກາ, ທົດສອບຄວາມຖືກຕ້ອງຕາມ, ຕາມກົດໝາຍ ແລະ ລະບຽບການບັນຊີ, ມາດຕະຖານບັນຊີ ແລະ ໄດ້ຮັບອະນຸຍາດ ຈາກກະຊວງການເງິນ.
- ຫ້າມບຸກຄົນຫຼືນິຕິບຸກຄົນທີ່ໄດ້ຮັບອະນຸຍາດໃຫ້ພັດທະນາຊຸດຄໍາສັ່ງໂປຣແກຣມບັນຊີເພື່ອຮັບໃຊ້ໃນການຄຸ້ມຄອງສະເພາະພາຍໃນຂອງຕົນນໍາເອົາຊຸດຄໍາສັ່ງດັ່ງກ່າວໄປຈໍາໜ່າຍທົ່ວໄປ.