ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ນັກປະສົມພັນພືດຂອງພັນພືດໃໝ່ທີ່ມີຈຸດປະສົງທີ່ຈະໄດ້ຮັບການປົກປ້ອງສິດພາຍໃຕ້ກົດໝາຍແຫ່ງ ສປປ ລາວພາຍໃນຂອບເຂດດຂອງ ສປປ ລາວ

ບຸກຄົນ, ນິຕິບຸກຄົນ ຫຼື ການຈັດຕັ້ງທີ່ມີສິດຍື່ນຄຳຮ້ອງຂໍຈົດທະບຽນມີດັ່ງນີ້: 
1. ນັກປະສົມພັນພືດ ສາມາດຍື່ນຄຳຮ້ອງຂໍສິດຕໍ່ພັນພືດ ທີ່ໄດ້ມາຈາກການປະສົມພັນ;
2. ໃນກໍລະນີມີສອງຄົນ ລື ຫຼາຍກວ່ານັ້ນຮ່ວມກັນປະສົມພັນພືດ, ບຸກຄົນດັ່ງກ່າວສາມາດຍື່ນຄຳຮ້ອງຂໍສິດຮ່ວມກັນຕໍ່ພັນພືດທີ່ໄດ້ມາຈາກການປະສົມພັນນັ້ນ. ຖ້າຫາກບໍ່ມີການຕົກລົງກັນສະເພາະກ່ຽວກັບພູດການເປັນເຈົ້າຂອງ ໃຫ້ຖືວ່າພວກກ່ຽວເປັນເຈົ້າຂອງພັນພືດນັ້ນໃນພູດສະເໝີກັນ;
3. ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ຢູ່ຕ່າງປະເທດຊຶ່ງມີຈຸດປະສົງຂໍຈົດທະບຽນ ຢູ່ ສປປ ລາວ ກໍ່ສາມາດຂໍຈົດທະບຽນໄດ້ຄືກັບຄົນລາວໃນດິນແດນ ສປປ ລາວ. ສຳລັບຜູ້ທີ່ບໍ່ມີທີ່ຢູ່ອາໄສ ຫຼື ສະຖານທີ່ດຳເນີນທຸລະກິດ ຢູ່ ສປປ ລາວນັ້ນ ຕ້ອງໄດ້ມີຕົວແທນ ທີ່ມີທີ່ຢູ່ຖາວອນຢູ່ ສປປ ລາວ ດຳເນີນການແທນ. 

- ພັນພືດໃໝ່ ຕ້ອງມີເງື່ອນໄຂຄົບຖ້ວນ ຄື: 
1. ໃໝ່ ຄື ຕ້ອງບໍ່ເຄີຍຖືກວາງຂາຍ ຫລື ແຈກຢາຍໃຫ້ຜູ້ອື່ນພາຍໃນ 1 ປີຂຶ້ນໄປກ່ອນວັນຍື່ນຄໍາຮ້ອງໃນດິນແດນຂອງ ສປປ ລາວ 
2. ແຕກຕ່າງຈາກພັນພືດອື່ນຊຶ່ງເປັນທີ່ຮັບຮູ້ກັນທົ່ວໄປ ໃນເວລາຍື່ນຄໍາຮ້ອງຂໍຈົດທະບຽນ 
3. ມີຄວາມສະໝໍ່າສະເໝີຢ່າງເຕັມສ່ວນຕະຫລອດໄປໃນຄຸນລັກສະນະຕ່າງໆຂອງພັນພືດນັ້ນ 
4. ຕ້ອງຄົງຕົວບໍ່ມີການປ່ຽນແປງພາຍຫລັງການຂະຫຍາຍພັນຄືນໃໝ່.

- ທຸກຄໍາຮ້ອງຕ້ອງກໍານົດແຕ່ພັນພືດຊະນິດດຽວເທົ່ານັ້ນ
- ສໍານວນຄໍາຮ້ອງຂໍຈົດທະບຽນ ແລະ ເອກະສານຄັດຕິດອື່ນໆ ສາມາດເຮັດເປັນພາສາລາວ ຫລື ອັງກິດກໍ່ໄດ້. ຖ້າວ່າ ຄໍາຮ້ອງຂໍ ຫລື ເອກະສານ ທີ່ໄດ້ເຮັດເປັນພາສາອັງກິດ, ຕ້ອງຍື່ນສະບັບແປ ເປັນພາສາລາວ ໂດຍໄດ້ຮັບການຢັ້ງຍືນຄວາມຖືກຕ້ອງ ພາຍໃນ 90 ວັນຫລັງຈາກວັນໄດ້ຍື່ນຄໍາຮ້ອງຂໍ
- ພັນພືດໃໝ່ ຕ້ອງມີເງື່ອນໄຂຄົບຖ້ວນ ຄື: 
1. ໃໝ່ ຄື ຕ້ອງບໍ່ເຄີຍຖືກວາງຂາຍ ຫລື ແຈກຢາຍໃຫ້ຜູ້ອື່ນພາຍໃນ 1 ປີຂຶ້ນໄປກ່ອນວັນຍື່ນຄໍາຮ້ອງໃນດິນແດນຂອງ ສປປ ລາວ 
2. ແຕກຕ່າງຈາກພັນພືດອື່ນຊຶ່ງເປັນທີ່ຮັບຮູ້ກັນທົ່ວໄປ ໃນເວລາຍື່ນຄໍາຮ້ອງຂໍຈົດທະບຽນ 
3. ມີຄວາມສະໝໍ່າສະເໝີຢ່າງເຕັມສ່ວນຕະຫລອດໄປໃນຄຸນລັກສະນະຕ່າງໆຂອງພັນພືດນັ້ນ 
4. ຕ້ອງຄົງຕົວບໍ່ມີການປ່ຽນແປງພາຍຫລັງການຂະຫຍາຍພັນຄືນໃໝ່.