ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ນິຕິບຸກຄົນ ທີ່ມີຈຸດປະສົງດໍາເນີນທຸລະກິດການຂາຍຍົກພາຍໃນຢາ ແລະ ຜະລິດຕະພັນການແພດ ຈາກຜູ້ໂຮງງານຜະລິດພາຍໃນ ຫຼື ບໍລິສັດນຳເຂົ້າ-ສົ່ງອອກ ເພື່ອຂາຍຍົກ ໃຫ້ແກ່ຮ້ານຂາຍຍ່ອຍຢາຢູ່ ສປປ ລາວ.

1. ຕ້ອງມີເພສັດຊະກອນ ຫຼື ຜູ່ຊ່ວຍເພສັດຊະກອນ (ການຢາຊັ້ນກາງ) ທີ່ເປັນຄົນສັນຊາດລາວ ຊຶ່ງມີໃບປະກາດສະນີຍະບັດ ຫຼື ໃບຢັ້ງຢືນສຳເລັດການສຶກສາວິຊາຊີບເພສັດຊະກຳທີ່ອອກໃຫ້ ໂດຍສະຖາບັນການສຶກສາທີ່ກ່ຽວຂ້ອງ ທັງພາຍໃນແລະຕ່າງປະເທດ ແລະ ໄດ້ຮັບອະນຸຍາດ ວິຊາຊີບເພສັດຊະກຳຈາກກະຊວງສາທາລະນະສຸກ ແລະ ຕ້ອງມີປະສົບການຮັບໃຊ້ວຽກງານ ການຢາ 4 ປີຂຶ້ນໄປ. ຖ້າແມ່ນພະນັກງານສັງກັດລັດຕ້ອງມີໃບແຕ່ງຕັ້ງຢ່າງ ເປັນທາງການ, ຕ້ອງແມ່ນຜູ່ທີ່ບໍ່ຢູ່ໃນໄລຍະຖືກດຳເນີນຄະດີ ຫຼື ປະລະໜ້າທີ່ ຫຼື ຖືກປະຕິບັດວິໄນຍ້ອນການ ຜິດພາດທາງດ້ານວິຊາຊີບເພສັດຊະກຳ ຫຼື ຄ້າຂາຍຢາເສບຕິດໃຫ້ໂທດ; 
2. ສະຖານທີ່ດຳເນີນທຸລະກິດຂາຍຍົກ ມີເນື້ອທີ່ຢ່າງຕ່ຳ 20 ຕາຕະລາງແມັດຂຶ້ນໄປ, ເປັນຫ້ອງເຮືອນສະເພາະ, ບໍ່ປົນເປສະຖານທີ່ພັກເຊົາ ແລະ ບ່ອນຂາຍເຄື່ອງອື່ນໆ ທີ່ບໍ່ແມ່ນຢາ ຫຼື ຜະລິດຕະພັນການແພດ; 
3. ຕ້ອງມີສະຖານທີ່ເກັບມ້ຽນສິນຄ້າທີ່ສະອາດ ແລະ ຖືກຕ້ອງຕາມມາດຕະຖານຢ່າງນ້ອຍ ຂະໜາດຄວາມກວ້າງ 6 ແມັດ, ຄວາມຍາວ 12 ແມັດ ແລະ ຄວາມສູງຕາມເໝາະສົມ, ມີລະບົບບັນຊີສາງ, ມີລະບົບປ້ອງກັນສັດແລະແມງໄມ້, ລະບົບປັບຄວາມເຢັນ, ແສງສະຫວ່າງ, ມີອຸປະກອນຕິດຕາມອຸນຫະພູມແລະຄວາມຊຸ່ມ, ພາຍໃນສາງຕ້ອງມີອຸປະກອນຮັບໃຊ້ທີ່ຈຳເປັນ, ມີຕູ້ເຢັນທີ່ມີອຸນຫະພູມສູງສຸດບໍ່ໃຫ້ເກີນ 2-8 ອົງສາເຊ ພ້ອມດ້ວຍເຄື່ອງວັດແທກອຸນຫະພູມ ໃນກໍລະນີທີ່ມີຢາຕ້ອງຮັກສາໄວ້ໃນຄວາມ ເຢັນເຊັ່ນ: ຢາຍັດທະວານ ຫຼື ຢາອື່ນໆ (ປະຕິບັດຕາມຫຼັກການການຂາຍຍົກທີ່ດີ (Good Whole Selling Practic-GWP ແລະ ຫຼັກການການເກັບຮັກສາທີ່ດີ (Good Storage Practice)).
2. ສະຖານທີ່ດຳເນີນທຸລະກິດຂາອອກ-ຂາເຂົ້າ, ສາຂາບໍລິສັດ/ໂຮງງານ ແລະ ຕົວແທນຈຳໜ່າຍຕ້ອງສະອາດ, ມີເນື້ອທີ່ຢ່າງຕ່ຳ 20 ຕາຕະລາງແມັດຂຶ້ນໄປ, ເປັນຫ້ອງເຮືອນສະເພາະ, ບໍ່ປົນເປສະຖານທີ່ພັກເຊົາ ແລະ ບ່ອນຂາຍເຄື່ອງອື່ນໆ ທີ່ບໍ່ແມ່ນຢາ ຫຼື ຜະລິດຕະພັນການແພດ;
3. ຕ້ອງມີສະຖານທີ່ເກັບມ້ຽນສິນຄ້າທີ່ສະອາດ ແລະ ຖືກຕ້ອງຕາມມາດຕະຖານຢ່າງນ້ອຍຂະໜາດຄວາມກວ້າງ 4 ແມັດ, ຄວາມຍາວ 8 ແມັດ ແລະ ຄວາມສູງຕາມເໝາະສົມ, ມີລະບົບບັນຊີສາງ, ມີລະບົບປ້ອງກັນສັດແລະແມງໄມ້, ລະບົບປັບຄວາມເຢັນ, ແສງສະຫວ່າງ, ມີອຸປະກອນຕິດຕາມອຸນຫະພູມແລະຄວາມຊຸ່ມ, ພາຍໃນສາງຕ້ອງມີອຸປະກອນຮັບໃຊ້ທີ່ຈຳເປັນ, ມີຕູ້ເຢັນທີ່ມີອຸນຫະພູມສູງສຸດບໍ່ໃຫ້ເກີນ 2-8 ອົງສາເຊ ພ້ອມດ້ວຍເຄື່ອງວັດແທກອຸນຫະພູມໃນກໍລະນີທີ່ມີຢາຕ້ອງຮັກສາໄວ້ໃນຄວາມເຢັນເຊັ່ນ: ຢາຍັດທະວານ ຫຼື ຢາອື່ນໆ (ປະຕິບັດຕາມຫຼັກການການຂາຍົກທີ່ດີ (Good Whole Selling Practic-GWP ແລະ ຫຼັກການການເກັບຮັກສາທີ່ດີ (Good Storage Practice)).