ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ນິຕິບຸກຄົນທີ່ມີຈຸດປະສົງສ້າງຕັ້ງບໍລິສັດບໍລິການແປພາສາ, ໜ່ວຍແປພາສາ ຫຼື ນັກແປພາສາອິດສະຫຼະ
(ມາດຕາ 6 ຂອງຂໍ້ຕົກລົງ ວ່າດ້ວຍການຄຸ້ມຄອງ ການບໍລິການແປພາສາ, ເລກທີ 65/ຖວ, 27.01.2010)

ມາດຕາ 16 ຂອງຂໍ້ຕົກລົງ ວ່າດ້ວຍການຄຸ້ມຄອງ ການບໍລິການແປພາສາ, ເລກທີ 65/ຖວ, 27.01.2010

ມາດຕະຖານຂອງຫົວບໍລິສັດແປພາສາ:
1. ເປັນພົນລະເມືອງລາວທີ່ມີອາຍຸແຕ່ 25 ປີຂຶ້ນໄປ
2. ເປັນຜູ້ມີຄວາມຮູ້ ຄວາມສາມາດດ້ານການແປພາສາ, ຮຽນຈົບວິຊາການແປພາສາຊັ້ນສູງຂຶ້ນໄປ, ມີໃບຢັ້ງຢືນປະສົບການໃນການແປພາສາ
3. ມີຄວາມຮູ້ດ້ານທິດສະດີການເມືອງ, ກຳແໜ້ນແນວທາງ ແລະ ນະໂຍບາຍຂອງລັດ
4. ມີຄວາມສາມາດໃນການບໍລິຫານທຸລະກິດການແປພາສາ
5. ບໍ່ເຄີຍຖືກສານຕັດສິນລົງໂທດ ຕັດອິດສະຫຼະພາບໃນສະຖານການກະທຳຜິດໂດຍເຈດຕະນາ
6. ມີສຸຂະພາຍແຂງແຮງ

ມາດຕະຖານຂອງຫົວໜ້າໜ່ວຍງານແປພາສາ
1. ເປັນພົນລະເມືອງລາວທີ່ມີອາຍຸແຕ່ 25 ປີຂຶ້ນໄປ
2. ເປັນພະນັກງານສັງກັດຢູ່ກະຊວງ, ອົງການທີ່ໜ່ວຍງານແປພາສາຂຶ້ນກັບ
3. ເປັນຜູ້ມີຄວາມຮູ້ ຄວາມສາມາດດ້ານການແປພາສາ, ຮຽນຈົບວິຊາການແປພາສາຊັ້ນສູງຂຶ້ນໄປ, ມີໃບຢັ້ງຢືນປະສົບການໃນການແປພາສາ
4. ມີຄວາມຮູ້ດ້ານທິດສະດີການເມືອງ
5. ມີປະສົບການໃນວຽກງານຄຸ້ມຄອງບໍລິຫານ ການແປພາສາ
6. ມີສຸຂະພາບແຂງແຮງ

ມາດຕະຖານຂອງນັກແປພາສາອິດສະລະ
1. ເປັນພົນລະເມືອງລາວທີ່ມີອາຍຸ 21 ປີຂຶ້ນໄປ
2. ເປັນຜູ້ມີຄວາມຮູ້ ຄວາມສາມາດດ້ານການແປພາສາ, ຮຽນຈົບວິຊາການແປພາສາ ຫຼື ພາສາສາດຊັ້ນສູງຂຶ້ນໄປ, ມີໃບຢັ້ງຢືນປະສົບການໃນການແປພາສາ
3. ມີຄວາມຮູ້ດ້ານທິດສະດີການເມືອງ
4. ມີສຸຂະພາບແຂງແຮງ

1. ຫາກບໍ່ດໍາເນີນກິດຈະການ ພາຍໃນກໍານົດເວລາ 1 ປີ ຈະຖືກປະຕິບັດມາດຕະການ ຕາມກໍລະນີ ເບົາ ຫຼື ໜັກ
2. ຫາກບໍ່ດໍາເນີນກິດຈະການ ພາຍໃນກໍານົດເວລາ 1 ປີ ຜູ້ຮ້ອງຂໍຕ້ອງໄດ້ແຈ້ງໃຫ້ກັບຂະແໜງການຮັບຜິດຊອບເພື່ອດຳເນີນການໂຈະໃຫ້ຖືກຕ້ອງຕາມລະບຽບການ.