ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ນິຕິບຸກຄົນ ທີ່ມີເພື່ອສ້າງຕັ້ງສາຂາຈຳໜ່າຍ ເຊິ່ງໝາຍເຖິງຫົວໜ່ວຍທຸລະກິດທີ່ເປັນຕົວ ແທນໃຫ້ໂຮງງານໃນການຈຳໜ່າຍຢາ ແລະ ຜະລິດຕະພັນການແພດທີ່ສົ່ງມາຈາກໂຮງງານທີ່ເປັນ ຕົວແທນໃຫ້. 

1. ຕ້ອງມີເພສັດຊະກອນ ຫຼື ຜູ່ຊ່ວຍເພສັດຊະກອນ (ການຢາຊັ້ນກາງ) ທີ່ເປັນຄົນສັນຊາດລາວ ຊຶ່ງມີໃບປະກາດສະນີຍະບັດ ຫຼື ໃບຢັ້ງຢືນສຳເລັດການສຶກສາວິຊາຊີບເພສັດຊະກຳທີ່ອອກໃຫ້ໂດຍສະຖາບັນການສຶກສາທີ່ກ່ຽວຂ້ອງ ທັງພາຍໃນແລະຕ່າງປະເທດ ແລະ ໄດ້ຮັບອະນຸຍາດວິຊາຊີບເພສັດຊະກຳຈາກກະຊວງສາທາລະນະສຸກ ແລະ ຕ້ອງມີປະສົບການຮັບໃຊ້ວຽກງານການຢາ 4 ປີຂຶ້ນໄປ. ຖ້າແມ່ນພະນັກງານສັງກັດລັດຕ້ອງມີໃບແຕ່ງຕັ້ງຢ່າງເປັນທາງການ, ຕ້ອງແມ່ນຜູ່ທີ່ບໍ່ຢູ່ໃນໄລຍະຖືກດຳເນີນຄະດີ ຫຼື ປະລະໜ້າທີ່ ຫຼື ຖືກປະຕິບັດວິໄນຍ້ອນການຜິດພາດທາງດ້ານວິຊາຊີບເພສັດຊະກຳ ຫຼື ຄ້າຂາຍຢາເສບຕິດໃຫ້ໂທດ; 
2. ຕ້ອງມີສະຖານທີ່ຕົວແທນຈຳໜ່າຍຕ້ອງສະອາດ, ມີເນື້ອທີ່ຢ່າງຕ່ຳ 20 ຕາຕະລາງແມັດຂຶ້ນໄປ, ເປັນຫ້ອງເຮືອນສະເພາະ, ບໍ່ປົນເປສະຖານທີ່ພັກເຊົາ ແລະ ບ່ອນຂາຍເຄື່ອງອື່ນໆ ທີ່ບໍ່ແມ່ນຢາ ຫຼື ຜະລິດຕະພັນການແພດ; 
3. ຕ້ອງມີສະຖານທີ່ເກັບມ້ຽນສິນຄ້າທີ່ສະອາດ ແລະ ຖືກຕ້ອງຕາມມາດຕະຖານ ຢ່າງໜ້ອຍຂະໜາດຄວາມກວ້າງ 4 ແມັດ, ຄວາມຍາວ 8 ແມັດ ແລະ ຄວາມສູງຕາມຄວາມເໝາະສົມ, ມີລະບົບບັນຊີສະສາງ, ມີລະບົບປ້ອງກັນສັດ ແລະ ແມງໄມ້, ລະບົບປັບຄວາມເຢັນ, ແສງສະຫວ່າງ, ມີອຸປະກອນຕິດຕາມອຸນຫະພູມ ແລະ ຄວາມຊຸ່ມ, ພາຍໃນສາງຕ້ອງມີອຸປະກອນຮັບໃຊ້ທີ່ຈຳເັປັນ, ມີຕູ້ເຢັນທີ່ມີອຸນຫະພູມສູງສຸດບໍ່ໃຫ້ເກີນ 2-8 ອົງສາເຊພ້ອມດ້ວຍເຄື່ອງວັດແທກອຸນຫະພູມ ໃນກໍລະນີທີ່ມີຢາຕ້ອງຮັກສາໄວ້ໃນຄວາມເຢັນເຊັ່ນ: ຢາວັດທະວານ ຫຼື ຢາອື່ນໆ (ປະຕິບັດຕາມຫຼັກການການຂາຍຍົກທີ່ດີ (Good Whole Selling Practice-GWP ແລະ ຫຼັກການການເກັບຮັກສາທີ່ດີ (Good Storage Practice)).

ພາຍຫຼັງທີ່ຂະແໜງອຸດສາຫະກຳ ແລະ ການຄ້າເປັນຜູ້ຄົ້ນຄວ້າອອກໃບທະບຽນວິສາຫະກິດ. ຈາກນັ້ນ, ກົມອາຫານ ແລະ ຢາ ກໍ່ຈະໄດ້ອອກໃບທະບຽນວິຊາຊີບເພສັດຊະກຳ ສໍາລັບສາຂາຈຳໜ່າຍຜະລິດຕະພັນໂຮງງານຜະລິດຢາ ແລະ ຜະລິດຕະພັນການແພດ ເຊິ່ງຕ້ອງໄດ້ຮັບການອະນຸມັດໂດຍ ກະຊວງສາທາລະນະສຸກ. ການດຳເນີນທຸລະກິດຕ້ອງແມ່ນຜະລິດຕະພັນທີ່ໄດ້ຂຶ້ນທະບຽນ ຫຼື ຈົດແຈ້ງຂອງໂຮງງານຜະລິດຢາ ແລະ ຜະລິດຕະພັນການແພດດັ່ງກ່າວ.