ການຈົດທະບຽນເອກະສານ
Registration of Document
| ຂໍ້ມູນທີ່ໄດ້ຮັບຈາກຂະແໜງການທີ່ກ່ຽວຂ້ອງ | ||
|---|---|---|
| ປະເພດເອກະສານ | ການຈົດທະບຽນອື່ນໆ | |
| ວັນທີແກ້ໄຂຂໍ້ມູນລ່າສຸດ | 05.01.2018 | |
| ພາກສ່ວນຮັບຜິດຊອບ | ກົມຄຸ້ມຄອງຊັບສິນຂອງລັດ
|
|
| LSIC | ທຸກພາກສ່ວນ | |
| ຜູ້ທີ່ສາມາດຍື່ນຂໍເອກະສານ |
ອົງການຈັດຕັ້ງ, ບຸກຄົນ ຫຼື ນິຕິບຸກຄົນ ທີ່ຢາກໃຫ້ເອກະສານທີ່ນຳມາຈົດທະບຽນມີຜົນສັກສິດ ແລະ ຄຸນຄ່າທາງດ້ານກົດໝາຍ |
|
| ເງື່ອນໄຂໃນການຂໍເອກະສານ |
ບັນດາເອກະສານທີ່ນຳມາຈົດທະບຽນ ຕ້ອງໄດ້ຖືກຕ້ອງຕາມລະບຽບກົດໝາຍ ແລະ ໄດ້ຜ່ານການຢັ້ງຢືນຈາກອົງການທີ່ມີສິດໜ້າທີ່ກ່ຽວຂ້ອງ ແລະ ຕ້ອງມີສະເນົາໃບທະບຽນວິສາຫະກິດ ແລະ ທະບຽນອາກອນຂັດຕັດມາທຸກຄັ້ງ. |
|
| ຄໍາເຫັນເພີ່ມເຕີມ | ||
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຄັ້ງທໍາອິດ | ||||
|---|---|---|---|---|
| ຊື່ | ໝາຍເຫດ | |||
| ເອກະສານປະກອບສຳລັບປະເພດເອກະສານຈົດທະບຽນຕາມອັດຕາດຽວ 40,000 ກີບຕໍ່ຄັ້ງ | I. ຂັ້ນຕອນການປະກອບເອກະສານຂໍຈົດທະບຽນເອກະສານປະເພດ ດຳເນີນການສ້າງຕັ້ງທຸລະກິດເອກະສານປະກອບ: 1. ໜັງສືສະເໜີ (ເຖິງກົມຄຸ້ມຄອງຊັບສິນຂອງລັດ) 2. ເອກະສານຄົບຊຸດຕາມຂະແໜງອຸດສາຫະກຳ ແລະ ການຄ້າ ໄດ້ຢັ້ງຢືນຜ່ານສຳເລັດທະບຽນວິສາຫະກິດ (ປະກອບ 3 ຊຸດ ສະບັບແທ້ ແລະ ສຳເນົາສີ) 3. ເອກະສານຄົບຊຸດຕາມຂະແໜງແຜນການ ແລະ ການລົງທຶນ ໄດ້ຢັ້ງຢືນຜ່ານສຳເລັດຂໍອະນຸຍາດລົງທຶນພາຍໃນ (ກໍລະນີວິສາຫະກິດຂໍອະນຸຍາດລົງທຶນຈາກຕ່າງປະເທດປະກອບ 3 ຊຸດ ສະບັບແທ້ ແລະ ສຳເນົາສີ) 4. ເອກະສານຢັ້ງຢືນຕ່າງໆທີ່ຂໍອະນຸຍາດກັບຂະແໜງການກ່ຽວຂ້ອງ 5. ເອກະສານບັນຊີຊັບສິນ ຕາມທຶນທັງໝົດຂອງວິສາຫະກິດ (ພ້ອມຄັດຕິດເອກະສານຢັ້ງຢືນຊັບສິນແຕ່ລະປະເພດ) 6. ໃບມອບສິດ (ກໍລະນີການດຳເນີນເອກະສານ) 7. ເອກະສານອື່ນໆ ທີ່ພົວພັນກັບການຂໍອະນຸຍາດດຳເນີນທຸລະກິດ II. ເອກະສານຈົດທະບຽນປະເພດສັນຍາກູ້ຢືມເງິນ, ໜັງສືໂອນໜີ້ສິນ, ສັນຍາຄ້ຳປະກັນ, ສັນຍາມອບໂອນກິດຈະການ ການຄ້າ, ການຜະລິດ, ການບໍລິການ, ການຂາຍຮຸ້ນ ແລະ ສັນຍາປະກັນໄພປະເພດຕ່າງໆ ເອກະສານປະກອບມີດັ່ງນີ້: 1. ໜັງສືສະເໜີ (ເຖິງກົມຄຸ້ມຄອງຊັບສິນຂອງລັດ) 2. ເອກະສານຄົບຊຸດຕາມຂະແໜງອຸດສາຫະກຳ ແລະ ການຄ້າ ໄດ້ຢັ້ງຢືນຜ່ານສຳເລັດທະບຽນວິສາຫະກິດ (ປະກອບ 3 ຊຸດ ສະບັບແທ້ ແລະ ສຳເນົາສີ) 3. ເອກະສານຊຸດຕາມຂະແໜງແຜນການ ແລະ ການລົງທຶນ ໄດ້ຢັ້ງຢືນຜ່ານສຳເລັດການຂໍອະນຸຍາດລົງທຶນພາຍໃນ (ກໍລະນີວິສາຫະກິດຂໍອະນຸຍາດລົງທຶນຈາກຕ່າງປະເທດປະກອບ 3 ຊຸດ ສະບັບແທ້ ແລະ ສຳເນົາສີ) 4. ເອກະສານຢັ້ງຢືນຕ່າງໆທີ່ຂໍອະນຸຍາດກັບຂະແໜງການກ່ຽວຂ້ອງ 5. ເອກະສານບັນຊີຊັບສິນ ຕາມທຶນທັງໝົດຂອງວິສາຫະກິດ (ພ້ອມຄັດຕິດເອກະສານຢັ້ງຢືນຊັບສິນແຕ່ລະປະເພດ) 6. ໃບມອບສິດ (ກໍລະນີການດຳເນີນເອກະສານ) 7. ເອກະສານອື່ນໆທີ່ພົວພັນກັບການຂໍອະນຸຍາດດຳເນີນທຸລະກິດຈົດຕາມອັດຕາດຽວ |
|||
| ເອກະສານປະກອບສຳລັບການຈົດທະບຽນເອກະສານແບບເດັດຖານຕາມມູນຄ່າຊັບ | I. ຂັ້ນຕອນການຈົດທະບຽນເອກະສານສັນຍາເຊົ່າ ແລະ ໃຫ້ຜູ້ອື່ນເຊົ່າຕໍ່ກ່ຽວກັບສັງຫາ ແລະ ອະສັງຫາລິມະຊັບ ປະກອບເອກະສານດັ່ງນີ້: 1. ໃບສະເໜີເຖິງກົມຄຸ້ມຄອງຊັບສິນຂອງລັດ 2. ສັນຍາເຊົ່າ ແລະ ໃຫ້ຜູ້ອື່ນເຊົ່າຕໍ່ (ກາແດງ 03 ຊຸດ ພ້ອມລະບຸມູນຄ່າໃນສັນຍາ) 3. ເອກະສານປະກອບອື່ນໆ II. ຂັ້ນຕອນຈົດທະບຽນສັນຍາໃຫ້ສຳປະທານຊັບພະຍາກອນທຳມະຊາດປະກອບເອກະສານດັ່ງນີ້: 1. ໃບສະເໜີເຖິງກົມຄຸ້ມຄອງຊັບສິນຂອງລັດ 2. ສັນຍາສຳປະທານຊັບພະຍາກອນທຳມະຊາດ (ກາແດງ 03 ຊຸດ ພ້ອມລະບຸມູນຄ່າໃນສັນຍາ) 3. ເອກະສານປະກອບອື່ນໆ III. ການໂອນກຳມະສິດ ຂັ້ນຕອນການຈົດທະບຽນເອກະສານສັນຍາ ແລະ ຂຶ້ນບັນຊີພາຫະນະລັດ ນຳໃຊ້ທຶນ (ງົບປະມານ) ປະກອບເອກະສານຕ່າງໆດັ່ງນີ້: 1. ໃບສະເໜີ ເຖິງກົມຄຸ້ມຄອງຊັບສິນຂອງລັດ 2. ຂໍ້ຕົກລົງລັດຖະມົນຕີ 3. ບົດບັນທຶກການປະມູນ ແລະ ໃບສະເໜີລາຄາ (ທີ່ເຊັນຄະນະກຳມະການປະມູນຢ່າງຄົບຖ້ວນຕາມລະບຽບການ) 4. ສັນຍາຊື້-ຂາຍ (ກາແດງ 03 ຊຸດ ພ້ອມລະບຸມູນຄ່າໃນສັນຍາ) 5. ສຳເນົາໃບທະບຽນວິສາຫະກິດ ແລະ ໃບທະບຽນອາກອນປະຈຳປີ ຂອງບໍລິສັດ/ຮ້ານ 6. ໃບຢັ້ງຢືນການເສຍພາສີ ຫຼື ຍົກເວັ້ນຂອງກົມພາສີ 7. ໃບອະນຸຍາດນຳເຂົ້າພາຫະນະ (ກະຊວງອຸດສາຫະກຳ ແລະ ການຄ້າ) 8. ໃບອະນຸຍາດທາງດ້ານເຕັກນິກຂອງກົມຂົນສົ່ງ (ກະຊວງ ຍທຂ) 9. ຟອມຂຶ້ນບັນຊີ (ຊື້ຢູ່ກົມຄຸ້ມຄອງຊັບສິນ) 10. ເອກະສານປະກອບອື່ນໆ IV. ການໂອນກຳມະສິດຂັ້ນຕອນການຈົດທະບຽນເອກະສານພັດສະດຸ ແລະ ອຸປະກອນຂອງລັດນຳໃຊ້ທຶນ (ງົບປະມານ) ປະກອບເອກະສານດັ່ງນີ້: 1. ໃບສະເໜີ ເຖິງກົມຄຸ້ມຄອງຊັບສິນຂອງລັດ 2. ຂໍ້ຕົກລົງລັດຖະມົນຕີ 3. ບົດບັນທຶກການປະມູນ ແລະ ໃບສະເໜີລາຄາ (ທີ່ເຊັນຄະນະກຳມະການປະມູນຢ່າງຄົບຖ້ວນຕາມລະບຽບການ) 4. ສັນຍາຊື້-ຂາຍ (ກາແດງ 03 ຊຸດ ພ້ອມລະບຸມູນຄ່າໃນສັນຍາ) 5. ສຳເນົາໃບທະບຽນວິສາຫະກິດ ແລະ ໃບທະບຽນອາກອນປະຈຳປີ ຂອງບໍລິສັດ/ຮ້ານ 6. ເອກະສານປະກອບອື່ນໆ V. ການໂອນກຳມະສິດຂັ້ນຕອນການຈົດທະບຽນເອກະສານ, ສັນຍາຈ້າງພະນັກງານ, ພັດສະດຸ ແລະ ພາຫະນະຂອງໂຄງການ (ເງິນຊ່ວຍເຫຼືອລ້າ ແລະ ກູ້ຢືມ) 1. ໃບສະເໜີ ເຖິງກົມຄຸ້ມຄອງຊັບສິນຂອງລັດ (ກວດຜ່ານຄັງເງິນແຫ່ງຊາດ ຫຼື ກົມການເງິນຕ່າງປະເທດກ່ອນ) 2. ຂໍ້ຕົກລົງລັດຖະມົນຕີ 3. ບົດບັນທຶກການປະມູນ ແລະ ໃບສະເໜີລາຄາ (ທີ່ເຊັນຄະນະກຳມະການປະມູນຢ່າງຄົບຖ້ວນຕາມລະບຽບການ) 4. ສັນຍາຊື້-ຂາຍ (ກາແດງ 03 ຊຸດ ພ້ອມລະບຸມູນຄ່າໃນສັນຍາ) 5. ສັນຍາເປັນພາສາອັງກິດ (ຕ້ອງແປພາສາລາວຕິດຂັດມາພ້ອມທຸກຄັ້ງ) 6. ສຳເນົາໃບທະບຽນວິສາຫະກິດ ແລະ ໃບທະບຽນອາກອນປະຈຳປີ ຂອງບໍລິສັດ/ຮ້ານ 7. ໃບຢັ້ງຢືນການເສຍພາສີ ຫຼື ຍົກເວັ້ນຂອງກົມພາສີ 8. ໃບອະນຸຍາດນຳເຂົ້າພາຫະນະ (ກະຊວງອຸດສາຫະກຳ ແລະ ການຄ້າ) 9. ໃບອະນຸຍາດທາງດ້ານເຕັກນິກ ຂອງກົມຂົນສົ່ງ (ກະຊວງ ຍທຂ) 10. ຟອມຂຶ້ນບັນຊີ (ຊື້ຢູ່ກົມຄຸ້ມຄອງຊັບສິນ) 11. ເອກະສານປະກອນອື່ນໆ VI. ຂັ້ນຕອນການຈົດທະບຽນເອກະສານ 1. ໃບສະເໜີເຖິງກົມຄຸ້ມຄອງຊັບສິນຂອງລັດ 2. ຂໍ້ຕົກລົງຂອງລັດຖະມົນຕີ, ໃບສັ່ງວຽກ 3. ບົດບັນທຶກກອງປະຊຸມເປີດຊອງປະມູນສົມທຽບລາຄາ ແລະ ໃບສະເໜີລາຄາ (ທີ່ເຊັນຄະນະກຳມະການປະມູນຢ່າງຄົບຖ້ວນຕາມລະບຽບການ) 4. ສັນຍາກໍ່ສ້າງ ແລະ ສ້ອມແປງ (ກາແດງ 05 ຊຸດພ້ອມລະບຸມູນຄ່າໃນສັນຍາ) (ຖ້າສັນຍາເປັນພາສາຕ່າງປະເທດໃຫ້ແປເປັນພາສາຕິດຂັດມາພ້ອມທຸກຄັ້ງ) 5. ໃບຄິດໄລ່ປະເມີນລາຄາ (ໂດຍຜ່ານກະຊວງໂຍທາທິການ ແລະ ຂົນສົ່ງ) 6. ບົດບັນທຶກກວດກາວຽກຂອງຄະນະກຳມະການ 7. ສຳເນົາໃບອະນຸຍາດດຳເນີນທຸລະກິດ, ໃບທະບຽນວິສາຫະກິດ ແລະ ໃບທະບຽນອາກອນປະຈຳປີຂອງບໍລິສັດຜູ້ຮັບເໝົາ VII. ຂັ້ນຕອນການຈົດທະບຽນສັນຍາໂອນຊັບເຂົ້າເປັນທຶນວິສາຫະກິດ 1. ໃບສະເໜີ ເຖິງກົມຄຸ້ມຄອງຊັບສິນຂອງລັດ 2. ໃບລາຍການຊັບສິນ (ບັນຊີຊັບສິນແຕ່ລະປະເພດ) 3. ໃບສະຫຼຸບລວມລາຍການຊັບ ຫຼື ບັນຊີຊັບທີ່ຈະຈົດທະບຽນ 4. ໃບທະບຽນວິສາຫະກິດ 5. ໃບທະບຽນອາກອນ 6. ໃບຢັ້ງຢືນທີ່ຕັ້ງ VIII. ຂັ້ນຕອນການຈົດທະບຽນ ສັນຍາຮ່ວມປະກອບທຶນເພື່ອດຳເນີນທຸລະກິດຕ່າງໆ 1. ໃບສະເໜີ ເຖິງກົມຄຸ້ມຄອງຊັບສິນຂອງລັດ 2. ສະໂນດນຳສົ່ງ (ຈາກຂະແໜງການອຸດສາຫະກຳ ແລະ ການຄ້າ) 3. ໃບທະບຽນວິສາຫະກິດ 4. ໃບຮັບຮອງຊື່ວິສາຫະກິດ 5. ກົດລະບຽບບໍລິສັດ 6. ສັນຍາສ້າງຕັ້ງ 7. ໃບຄຳຮ້ອງແຈ້ງຂຶ້ນທະບຽນວິສາຫະກິດ (ຈາກຂະແໜງອຸດສາຫະກຳ ແລະ ການຄ້າ) 8. ໃບຢັ້ງຢືນທີ່ຕັ້ງ 9. ບົດບັນທຶກກອງປະຊຸມສ້າງຕັ້ງບໍລິສັດ (ເອກະສານຄົບຊຸດຈາກຂະແໜງອຸດສາຫະກຳ ແລະ ການຄ້າ) 10. ໃບມອບສິດ (ກໍລະນີບຸກຄົນ ຫຼື ບໍລິສັດຕາງໜ້າ) 11. ເອກະສານອື່ນໆ (ຖ້າມີ) IX. ສັນຍາປະເພດຕ່າງໆ 1. ສັນຍາກູ້ມຢືມເງິນ ຫຼື ຊັບສິນ (ເປັນສະບັບແທ້ 2-3 ສະບັບ) 2. ໜັງສືໂອນໜີ້ສິນ (ເປັນສະບັບແທ້ 2-3 ສະບັບ) 3. ສັນຍາມອບ ຫຼື ໂອນກິດຈະການ, ສັນຍາການຄ້າ, ສັນຍາການຜະລິດ, ສັນຍາການບໍລິການ, ແລະ ການຂາຍຫຸ້ນ (ເປັນສະບັບແທ້ 2-3 ສະບັບ) 4. ສັນຍາປະກັນໄພຕ່າງໆ (ເປັນສະບັບແທ້ 2-3 ສະບັບ) 5. ສັນຍາຄ້ຳປະກັນ (ສັງຫາລິມະຊັບ) ຫຼື ບຸກຄົນ (ເປັນສະບັບແທ້ 2-3 ສະບັບ) |
|||
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຕໍ່ອາຍຸ | ||||
|---|---|---|---|---|
| ຊື່ | ໝາຍເຫດ | |||
| ຮູບແບບການຍື່ນເອກະສານ | ||
|---|---|---|
| ການຍື່ນເອກະສານ | ຢູ່ທີ່ຫ້ອງການເຈົ້າຫນ້າທີ່ | |
| ທີ່ຢູ່ຂອງພາກສ່ວນທີ່ຮັບຜິດຊອບ | ກົມຄຸ້ມຄອງຊັບສິນຂອງລັດ, ກະຊວງການເງິນ | |
| ໄລຍະເວລາໃນການ ພິຈາລະນາຄຳຮ້ອງ (ວັນ) | 2 | ກົດໝາຍກ່ຽວຂ້ອງບໍ່ໄດ້ກຳນົດໄລຍະເວລາ ສໍາລັບ ການກວດສອບ ແລະ ຈົດທະບຽນເອກະສານ ແຕ່ເຈົ້າໜ້າທີ່ແຈ້ງວ່າ ໂດຍປົກກະຕິໃຊ້ເວລາ 2 ວັນລັດຖະການ. - ໄລຍະເວລາຍື່ນເອກະສານໜັງສືສະເໜີນຳໜ່ວຍງານຂາອອກ-ຂາເຂົ້າ ແລ້ວນຳສົ່ງໄປພະແນກກ່ຽວຂ້ອງເພື່ອກວດຜ່ານເອກະສານລະອຽດ ແລ້ວອອກໃບສັ່ງມອບເງິນໃຫ້ໜ່ວຍງານຈົດທະບຽນເອກະສານ ເພື່ອຈັດພິມອອກເຊັນຄະນະກົມ ຫຼື ຄະນະພະແນກນິຕິກຳ ແລະ ກວດກາ ປະທັບຕາຕາມລະບຽບ ຈັດສົ່ງໃຫ້ຜູ້ປະກອບການໄປມອບເງິນຢູ່ທະນາຄານຕ່າງໆ ຫຼື ມອບຜ່ານ BCEL one. - ຫຼັງຈາກຜູ້ປະກອບການມອບເງິນສຳເລັດ ແລະ ເອົາໃບຢັ້ງຢືນການມອບຈາກທະນາຄານນຳສົ່ງໃຫ້ໜ່ວຍງານຈົດທະບຽນ ຈ້ຳກາທະບຽນ ແລະ ເຊັນຢັ້ງຢືນຈາກຄະນະກົມ, ຄະນະພະແນກນິຕິກຳ ແລະ ກວດກາ ແລ້ວປະທັບຕາ ຕາມລະບຽບຈັດສົ່ງໃຫ້ຜູ້ປະກອບການ (ໄດ້ໃນ 1ວັນ ຖ້າຊະລະເງິນແລ້ວ) |
| ການຕໍ່ອາຍຸເອກະສານ | ||
|---|---|---|
| ເອກະສານມີກຳນົດອາຍຸ ຫຼື ບໍ່? | ບໍ່ມີ | |
| ໃບອະນຸຍາດມີອາຍຸການນຳໃຊ້ຈັກເດືອນ? | 0 | |
| ຂັ້ນຕອນ ແລະ ເງື່ອນໄຂສຳລັບການຕໍ່ອາຍຸເອກະສານ | ||
| ຄ່າທຳນຽມສຳລັບການຍື່ນຂໍເອກະສານ | ||||
|---|---|---|---|---|
| ມີຄ່າໃຊ້ຈ່າຍ ຫຼື ບໍ່ | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ມີ | 20000.00 | 0.00 | 10000.00 | 30000.00 |
| ຄຳເຫັນ |
- ຄ່າທໍານຽມການຈົດທະບຽນແມ່ນ ລະບຸໄວ້ໃນມາດຕາ 6 ຂອງລັດຖະບັນຍັດເລກທີ 03/ປປທ, ລົງວັນທີ 26 ທັນວາ 2012 ຄື: 1. ຄ່າທຳນຽມອອກໃບອະນຸຍາດນຳໃຊ້ໃບເກັບເງິນສະເພາະ ເກັບ 30,000 ກີບ/ຄັ້ງ 2. ເອກະສານທີ່ຕ້ອງຈົດທະບຽນ ຕາມອັດຕາດຽວ 40,000 ກີບ/ຄັ້ງ ຕາມລາຍການດັ່ງລຸ່ມນີ້: - ໜັງສືມອບກຳມະສິດສືຍທອດມູນມໍລະດົກ (ສັງຫາລິມະຊັບ) - ການເລື່ອນເວລາໃຊ້ໜີ້ສິນ ຫຼື ສືບຕໍ່ຄ້ຳປະກັນ (ສັງຫາລິມະຊັບ) - ເອກະສານອື່ນໆທີ່ບໍ່ຈຳເປັນຕ້ອງຈົດທະບຽນ ແຕ່ຜູ້ກ່ຽວນຳມາຈົດທະບຽນ (ສັງຫາລິມະຊັບ) - ບົດບັນທຶກແບ່ງປັນທຶນຂອງບໍລິສັດ ທີ່ຖືກຍຸບໃຫ້ແກ່ຂາຮຸ້ນ - ບົດບັນທຶກແບ່ງປັນຊັບ ລະຫວ່າງຜູ້ມີກຳມະສິດຮ່ວມ - ສັນຍາຊື້-ຂາຍສັດ ຫຼື ຜົນຜະລິກະສິກຳທຸກປະເພດ - ກົດລະບຽບຂອງບໍລິສັດ - ສັນຍານັບໃຊ້ໜີ້ - ສັນຍາຊວດຈຳ - ສັນຍາດັດແກ້ - ໜັງສືມອບສັນທະໃຫ້ກັນ ເພື່ອທຳກິດຈະກຳຕ່າງໆແທນຕົນ - ການຄ້ຳປະກັນດ້ວຍຂັບເຄື່ອນທີ່ - ໜັງສືຕົກລົງແບ່ງປັນສິນສົມສ້າງ. 3. ອັດຕາເກັບຄ່າຈົດທະບຽນແບບເດັດຖານຕາມມູນຄ່າຊັບດັ່ງນີ້: - ສັນຍາໃຫ້ເຊົ່າ-ສຳປະທານ ແລະ ໃຫ້ຜູ້ອື່ນເຊົ່າສຳປະທານຕໍ່ກ່ຽວກັບສັງຫາລິມະຊັບ ແລະ ອະສັງຫາລິມະຊັບ ແມ່ນເກັບຄ່າຈົດທະບຽນແບບເດັດຖານຕາມມູນຄ່າຄື: ສຳລັບ ສັນຍາເຊົ່າ ຄ່າທຳນຽມເລີ້ມຕົ້ນແມ່ນ 40,000 ກີບ ຫາ 500,000 ກີບ, ສໍາລັບ ສັນຍາເຊົ່າຕໍ່ ແມ່ນເກັບຄ່າທຳນຽມເລີ້ມຕົ້ນທີ່ 20,000 ກີບ ຫາ 150,000 ກີບ. - ສັນຍາສໍາປະທານຊັບພະຍາກອນທຳມະຊາດຕ່າງໆ ແມ່ນເກັບຄ່າທໍານຽມຕາມມູນຄ່າສັນຍາ ສຳລັບການຊອກຄົ້ນ ຄ່າທຳນຽມເລີ້ມຕົ້ນແມ່ນ 60,000 ກີບ ຫາ 30,000,000 ກີບ. ສໍາລັບ ການດຳເນີນກິດຈະການ ຄ່າທຳນຽມເລີ້ມຕົ້ນແມ່ນ 1,000,000 ກີບ ຫາ 50,000,000 ກີບ. - ການໂອນກໍາມະສິດ ແມ່ນເກັບຄ່າທໍານຽມຕາມມູນຄ່າສັນຍາ ສຳລັບສັນຍາຊື້-ຂາຍ ພາຫະນະຕໍ່ຄັນ, ອຸປະກອນເຄື່ອງໃຊ້ທຸກປະເພດ ແລະ ເຄື່ອງຈັກຕ່າງໆ ທີ່ຊື້ເຂົ້າມາໃໝ່ ຄ່າທຳນຽມເລີ້ມຕົ້ນແມ່ນ 25,000 ກີບ ຫາ 2,000,000 ກີບ. ສຳລັບສັນຍາຊື້-ຂາຍພາຫະນະຕໍ່ຄັນ, ອຸປະກອນເຄື່ອງໃຊ້ທຸກປະເພດ ແລະ ເຄື່ອງຈັກປະເພດຕ່າງໆ ທີ່ນຳໃຊ້ໃນ ສປປ ລາວ ແລ້ວ, ການຊື້ຂາຍໄມ້ແປຮູບ, ໄມ້ເຄິ່ງສຳເລັດຮູບ ແລະ ໄມ້ສຳເລັດຮູບອອກຕ່າງປະເທດ, ການຊື້-ຂາຍໄມ້ທ່ອນ, ໄມ້ກິ່ງງ່າ ແລະ ຕໍໄມ້ (ເຫງົ້າໄມ້) ອອກຕ່າງປະເທດ, ສັນຍາຊື້-ຂາຍໄມ້ ເພື່ອແປຮູບຮັບໃຊ້ພາຍໃນປະເທດ ຄ່າທຳນຽມເລີ້ມຕົ້ນແມ່ນ 50,000 ກີບ ຫາ 3,000,000 ກີບ. - ສັນຍາໂອນຊັບເຂົ້າເປັນທຶນຂອງວິສາຫະກິດ ເປັນພາຫະນະ, ເຄື່ອງຈັກ, ເປັນເງິນ ຫຼື ວັດຖຸ ແລະ ອຸປະກອນເຄື່ອງໃຊ້ ຊຶ່ງບໍ່ແມ່ນທີ່ດິນ ແມ່ນເກັບຄ່າທໍານຽມຕາມມູນຄ່າຊັບສິນ ຄ່າທຳນຽມເລີ້ມຕົ້ນແມ່ນ 20,000 ກີບ ຫາ 120,000 ກີບ. - ສັນຍາຮ່ວມປະກອບທຶນ ເພື່ອດຳເນີນທຸລະກິດປະເພດຕ່າງໆ ແມ່ນເກັບຄ່າທໍານຽມຕາມມູນຄ່າທຶນຈົດທະບຽນ ຄ່າທຳນຽມເລີ້ມຕົ້ນແມ່ນ 200,000 ກີບ ຫລື 500,000 ກີບ. - ສັນຍາປະເພດຕ່າງໆ ແມ່ນເກັບຄ່າທໍານຽມຕາມມູນຄ່າສັນຍາ ສຳລັບສັນຍາກູ້ຢືມເງິນ ຫຼື ຊັບສິ່ງຂອງ ຄ່າທຳນຽມເລີ້ມຕົ້ນແມ່ນ 10,000 ກີບ ຫາ 100,000 ກີບ. ສຳລັບ ໜັງສືໂອນໜີ້ສິນ ຄ່າທຳນຽມເລີ້ມຕົ້ນແມ່ນ 20,000 ກີບ ຫາ 200,000 ກີບ. ສຳລັບ ສັນຍາມອບ ຫຼື ໂອນກິດຈະການ ການຄ້າ, ການຜະລິດ, ການບໍລິການ ແລະ ການຂາຍຮຸ້ນ ຄ່າທຳນຽມເລີ້ມຕົ້ນແມ່ນ 15,000 ກີບ ຫາ 100,000 ກີບ. ສຳລັບ ສັນຍາປະກັນໄພ ຕ່າງໆ ຄ່າທຳນຽມເລີ້ມຕົ້ນແມ່ນ 10,000 ກີບ ຫາ 50,000 ກີບ. ສຳລັບ ສັນຍາຄຳ້ປະກັນ (ສັງຫາລິມະຊັບ) ຫຼື ບຸກຄົນ ຄ່າທຳນຽມເລີ້ມຕົ້ນແມ່ນ 5,000 ກີບ ຫາ 20,000 ກີບ. ສຳລັບສັນຍາການດຳເນີນການສຳຫຼວດອອກແບບຕ່າງໆ ຄ່າທຳນຽມເລີ້ມຕົ້ນແມ່ນ 5,000 ກີບ ຫາ 20,000 ກີບ. - ສັນຍາຮັບເໝົາ, ສ້ອມແປງ, ອອກແບບ, ຕິດຕາມກວດກາກໍ່ສ້າງ, ສ້ອມແປງພາຫະນະ ແລະ ບໍລິການຕ່າງໆ ແມ່ນເກັບຄ່າທໍານຽມຕາມມູນຄ່າໂຄງການ ຄ່າທຳນຽມເລີ້ມຕົ້ນແມ່ນ 20,000 ກີບ ຫາ 125,000,000 ກີບ. |
|||
| ຄ່າທຳນຽມສຳລັບການຂໍຕໍ່ອາຍຸເອກະສານ | ||||
|---|---|---|---|---|
| ມີຄ່າຕໍ່ອາຍຸເອກະສານ ຫຼື ບໍ? | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ບໍ່ມີ | 0.00 | 0.00 | 0.00 | 0.00 |
| ຄຳເຫັນ | ||||
