ໃບອະນຸຍາດດຳເນີນທຸລະກິດປະກັນໄພທົ່ວໄປ (ໂຈະຊົ່ວຄາວ)
License to Operate Non-Life Insurance Company (Temporarily Suspended)
| ຂໍ້ມູນທີ່ໄດ້ຮັບຈາກຂະແໜງການທີ່ກ່ຽວຂ້ອງ | ||
|---|---|---|
| ປະເພດເອກະສານ | ໃບອະນຸຍາດດໍາເນີນທຸລະກິດ | |
| ວັນທີແກ້ໄຂຂໍ້ມູນລ່າສຸດ | 09.01.2018 | |
| ພາກສ່ວນຮັບຜິດຊອບ | ກົມຄຸ້ມຄອງວິສະຫະກິດລັດລົງທຶນ ແລະ ການປະກັນໄພ
|
|
| LSIC | K - ການເຄື່ອນໄຫວດ້ານການເງິນ ແລະ ການປະກັນໄພ | |
| ຜູ້ທີ່ສາມາດຍື່ນຂໍເອກະສານ |
ບຸກຄົນ ຫຼື ນິຕິບຸກຄົນ ທີ່ມີຈຸດປະສົງສ້າງຕັ້ງ ຫຼື ດຳເນີນທຸລະກິດດ້ານການປະກັນໄພທົ່ວໄປ ຊຶ່ງລວມມີການປະກັນໄພຊັບສິນ, ຄວາມຮັບຜິດຊອບທາງແພ່ງຕໍ່ບຸກຄົນທີສາມ ແລະ ການປະກັນໄພອື່ນທີ່ບໍ່ແມ່ນການປະກັນຊີວິດ (ຕົວຢ່າງ: ປະກັນໄພສຸກຂະພາບ, ປະກັນໄພອຸປະຕິເຫດ, ປະກັນໄພການຂົນສົ່ງ, ປະກັນໄພພາຫະນະ, ປະກັນໄພອັກຄີໄພ, ປະກັນໄພທາງການເງິນ ຫຼື ປະກັນໄພທຸລະກິດ ແລະ ອື່ນໆ). |
|
| ເງື່ອນໄຂໃນການຂໍເອກະສານ |
1. ບໍລິສັດດັ່ງກ່າວຕ້ອງໄດ້ຮັບໃບອະນຸຍາດລົງທຶນ ຈາກກະຊວງແຜນການ ແລະ ການລົງທຶນ; 2. ຜູ້ສ້າງຕັ້ງບໍລິສັດປະກັນໄພຕ້ອງມີປະຫວັດການດຳເນີນທຸລະກິດທີ່ດີ, ບໍ່ເຄີຍຖືກສານຕັດສິນ ລົງໂທດຕັດອິດສະລະພາບໃນສະຖານການກະທຳຜິດຕໍ່ເສດຖະກິດໂດຍເຈດຕະນາ, ບໍ່ນອນຢູ່ໃນ ບັນຊີລາຍຊື່ຜູ້ກໍ່ການຮ້າຍ ແລະ ອາຊະຍາກຳຂ້າມຊາດ; 3. ຕ້ອງມີຫ້ອງການ ຫຼືື ສຳນັກງານໃຫຍ່ທີ່ເໝາະສົມໃນການດຳເນີນທຸລະກິດປະກັນໄພ; 4. ມີທຶນຈົດທະບຽນ ຕໍ່າສຸດ 16 ຕື້ກີບ ຕະຫຼອດໄລຍະເວລາດຳເນີນທຸລະກິດ; 5. ຕ້ອງວາງເງິນຄຳ້ປະກັນ 1/3 ຂອງທຶນຈົດທະບຽນ ໄວ້ຢູ່ທະນາຄານໃດໜື່ງທີ່ມີຄວາມໝັ້ນຄົງ ທາງດ້ານການເງິນ ທີ່ຕັ້ງຢູ່ ສປປ ລາວ ແລະ ແຈ້ງໃຫ້ກະຊວງການເງິນຮັບຊາບເຖິງຈຳນວນ ເງິນຄຳ້ປະກັນດັ່ງກ່າວ; ໂດຍນັກລົງທຶນຕ້ອງປະຕິບັດຕາມເງື່ອນໄຂດັ່ງຕໍ່ໄປນີ້: (ກ) ຜູ້ລົງທຶນເປັນຜູ້ສະເໜີເປີດບັນຊີ, ການຖອນເງິນ ແລະ ການປິດບັນຊີ ຕ້ອງໄດ້ຮັບການເຫັນ ດີເປັນລາຍລັກອັກສອນຈາກ ກົມຄຸ້ມຄອງ ແລະ ພັດທະນາ ວິສາຫະກິດທີ່ລັດລົງທຶນ ແລະ ປະກັນໄພ ຈຶ່ງສາມາດຖອນໄດ້ ໂດຍອີງຕາມມາດຕາ 94 ຂອງກົດໝາຍວ່າດ້ວຍປະກັນໄພ; (ຂ) ຕ້ອງແຈ້ງໃຫ້ທະນາຄານທີ່ຕົນມີເງິນຝາກຢູ່ນັ້ນຮັບຊາບວ່າ ເຈົ້າໜ້າທີ່ຄຸ້ມຄອງທຸລະກິດປະກັນໄພ ມີອຳນາດໂດຍກົງໃນການກວດສອບຍອດເງິນຝາກຂອງຕົນໄດ້ທຸກເວລາ; ແລະ (ຄ) ການໂອນ ຫຼື ນຳໃຊ້ເງິນຄຳ້ປະກັນຄວາມສ່ຽງຕ້ອງໄດ້ຮັບອະນຸຍາດຈາກກະຊວງການເງິນ; 6. ຕ້ອງມີລາຍຊື່ ແລະ ປະຫວັດການເຮັດວຽກຂອງຜູ້ບໍລິຫານທີ່ຈະໄດ້ຮັບການແຕ່ງຕັ້ງເຂົ້າໃນແຕ່ ລະຕຳແໜ່ງງານ ແລະ ມີພະນັກງານ ຫຼື ບຸກຄະລາກອນທີ່ມີຄວາມຮູ້ຄວາມສາມາດ, ຄວາມຊຳນານ ທາງດ້ານວິຊາຊິີບ ແລະ ມີໃບຢັ້ງຢືນ ຫຼື ປະກາດສະນີຍະບັດທາງດ້ານການປະກັນໄພ; 7. ຕ້ອງກຳນົດແຜນການດຳເນີນທຸລະກິດໄລຍະສັ້ນ 1 ປີລົງມາ, ໄລຍະກາງ 2-5 ປີ ແລະ ໄລຍະຍາວ 5 ປີຂຶ້ນໄປ; 8. ບໍ່ເຄີຍຖືກຖອນໃບອະນຸຍາດດຳເນີນທຸລະກິດປະກັນໄພ ໃນໄລຍະເວລາ 5 ປີກ່ອນວັນຍື່ນຄຳ ຮ້ອງຂໍໃບອະນຸຍາດດຳເນີນທຸລະກິດປະກັນໄພ; ແລະ 9. ໃນກໍລະນີທີ່ເປັນນັກລົງທຶນຕ່າງປະເທດຕ້ອງມີເງື່ອນໄຂເພີ່ມຕື່ມດັ່ງນີ້: (ກ) ມີປະສົບການໃນການດຳເນີນທຸລະກິດ ປະກັນໄພມາກ່ອນຢ່າງໜ້ອຍ 5 ປີ; (ຂ) ມີໃບອະນຸຍາດສ້າງຕັ້ງຫ້ອງການຜູ້ຕາງໜ້າຂອງ ບໍລິສັດປະກັນໄພຕ່າງປະເທດ; ແລະ (ຄ) ມີໃບອະນຸຍາດສ້າງຕັ້ງ ແລະ ດຳເນີນທຸລະກິດ ດ້ານປະກັນໄພຈາກປະເທດຕົ້ນທາງຂອງນັກລົງທຶນ. |
|
| ຄໍາເຫັນເພີ່ມເຕີມ |
1. ທໍາອິດແມ່ນຕ້ອງຂໍ ໃບອະນຸຍາດຊົ່ວຄາວ ສໍາລັບໄລຍະເວລາ 1 ປີ ເພື່ອຈຸດປະສົງໃນການຕິດຕາມກວດກາ ແລະ ຄຸ້ມຄອງ ແລະ ພາຍຫຼັງຈາກທີ່ໄດ້ຮັບການພິສູດແລ້ວວ່າ ມີຄວາມສາມາດຕາມເງື່ອນໄຂ ແລະ ຂໍ້ກຳນົດທັງໝົດ, ຈຶ່ງຈະອອກໃບອະນຸຍາດແບບຖາວອນໃຫ້. 2. ປະຈຸບັນ ລັດຖະບານໄດ້ປະກາດໂຈະການອອກອະນຸຍາດບໍລິສັດປະກັນໄພທີ່ສະເໜີສ້າງຕັ້ງໃໝ່ |
|
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຄັ້ງທໍາອິດ | ||||
|---|---|---|---|---|
| ຊື່ | ໝາຍເຫດ | |||
| ສຳເນົາບັດປະຈຳຕົວ/ສຳມະໂນຄົວຂອງອໍານວຍການ | ||||
| ກົດລະບຽບວິສາຫະກິດ | ||||
| ໃບຊີວະປະຫວັດຂອງຜູ້ອຳນວຍການ | ||||
| ມະຕິກອງປະຊຸມຂອງຜູ້ຖືຮຸ້ນສ້າງຕັ້ງ | ||||
| ສັນຍາຮ່ວມທຶນ, ສັນຍາສ້າງຕັ້ງ | ສັນຍາສ້າງຕັ້ງບໍລິສັດປະກັນໄພ |
|||
| ໃບມອບສິດໃຫ້ຜູ້ຕາງໜ້າເປັນຜູ້ຮັບຜິດຊອບໃນການຂໍອະນຸຍາດດຳເນີນທຸລະກິດ | ||||
| ໃບຢັ້ງຢືນທີ່ຕັ້ງສຳນັກງານ | ||||
| ແຜນການດຳເນີນທຸລະກິດ | ແຜນການດຳເນີນທຸລະກິດ 5 ປີທຳອິດ |
|||
| ສຳເນົາໜັງສືເດີນທາງຂອງອໍານວຍການ | ຖ້າເປັນຄົນຕ່າງປະເທດ |
|||
| ຮູບຖ່າຍຂອງອໍານວຍການ | ຈຳນວນ 6 ໃບ (ບໍ່ເກີນ 3 ເດືອນ) |
|||
| ໃບທະບຽນວິສາຫະກິດຂອງບໍລິສັດຈຳກັດ | ||||
| ໃບຢັ້ງຍືນເງິນຄໍ້າປະກັນຈາກທະນາຄານທີ່ຫົວໜ່ວຍທຸລະກິດໄດ້ເປີດບັນຊີໄວ້ | ໃບຢັ້ງຍືນເງິນຄໍ້າປະກັນ 1/3 ຂອງທຶນຈົດທະບຽນ |
|||
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຕໍ່ອາຍຸ | ||||
|---|---|---|---|---|
| ຊື່ | ໝາຍເຫດ | |||
| ຮູບແບບການຍື່ນເອກະສານ | ||
|---|---|---|
| ການຍື່ນເອກະສານ | ຢູ່ທີ່ຫ້ອງການເຈົ້າຫນ້າທີ່ | |
| ທີ່ຢູ່ຂອງພາກສ່ວນທີ່ຮັບຜິດຊອບ | ກົມຄຸ້ມຄອງວິສະຫະກິດລັດລົງທຶນ ແລະ ການປະກັນໄພ, ກະຊວງການເງິນ | |
| ໄລຍະເວລາໃນການ ພິຈາລະນາຄຳຮ້ອງ (ວັນ) | 15 | |
| ການຕໍ່ອາຍຸເອກະສານ | ||
|---|---|---|
| ເອກະສານມີກຳນົດອາຍຸ ຫຼື ບໍ່? | ມີ | |
| ໃບອະນຸຍາດມີອາຍຸການນຳໃຊ້ຈັກເດືອນ? | 12 | |
| ຂັ້ນຕອນ ແລະ ເງື່ອນໄຂສຳລັບການຕໍ່ອາຍຸເອກະສານ | ໃບອະນຸຍາດນີ້ ມີຜົນສັກສິດ 1 ປີ , ເລີ້ມຈາກວັນທີ 1 ມັງກອນ ເຖີງ ວັນທີ 31 ທັນວາ ແລະ ວິສາຫະກິດຕ້ອງຍື່ນຄຳຮ້ອງຂໍຕໍ່ໃບອະນຸຍາດ ແລະ ຊຳລະຄ່າທຳນຽມໃນການຕໍ່ໃບອະນຸຍາດ ພາຍໃນ 3 ເດືອນທຳອິດຂອງປີຕໍ່ໄປ (ເລີ້ມແຕ່ວັນທີ 31 ມີນາ ຂອງທຸກໆ ປີ). | |
| ຄ່າທຳນຽມສຳລັບການຍື່ນຂໍເອກະສານ | ||||
|---|---|---|---|---|
| ມີຄ່າໃຊ້ຈ່າຍ ຫຼື ບໍ່ | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ມີ | 0.00 | 10000000.00 | 50000.00 | 10050000.00 |
| ຄຳເຫັນ |
ອີງຕາມ ຄຳແນະນຳຂອງລັດຖະມົນຕີວ່າການກະຊວງການເງິນ ເລກທີ 770/ກງ, ຄ່າແບບຟອມຄຳຮ້ອງ ແລະ ຄ່າອອກໃບສັ່ງມອບ (50,000 ກີບ) ແມ່ນເກັບຕາມການເຂົ້າໄປຊື້ ແບບຟອມແຕ່ບໍ່ໄດ້ກຳນົດຄ່າທຳນຽມ ແບບຟອມໄວ້ໃນລະບຽບການໃດໆ. ລວມຄ່າໃຊ້ຈ່າຍທັງໝົດແມ່ນ 10,100,000 ກີບ |
|||
| ຄ່າທຳນຽມສຳລັບການຂໍຕໍ່ອາຍຸເອກະສານ | ||||
|---|---|---|---|---|
| ມີຄ່າຕໍ່ອາຍຸເອກະສານ ຫຼື ບໍ? | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ມີ | 0.00 | 2000000.00 | 0.00 | 2000000.00 |
| ຄຳເຫັນ |
ອີງຕາມ ຄຳແນະນຳຂອງລັດຖະມົນຕີວ່າການກະຊວງການເງິນ ເລກທີ 770/ກງ, ຄ່າອອກໃບສັ່ງມອບ (50,000 ກີບ) ແມ່ນເກັບຕາມການເຂົ້າໄປຊື້ແບບຟອມ ແຕ່ບໍ່ໄດ້ກຳນົດຄ່າ ທຳນຽມແບບຟອມໄວ້ໃນລະ ບຽບການໃດໆ. ລວມຄ່າໃຊ້ຈ່າຍທັງໝົດແມ່ນ 2,050,000 ກີບ |
|||
