ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫລື ນິຕິບຸກຄົນ ທີ່ມີຈຸດປະສົງສ້າງຕັ້ງໂຮງຮຽນສາມັນສຶກສາ ຊຶ່ງປະກອບດ້ວຍ ປະຖົມສຶກສາ, ມັດທະຍົມສຶກສາຕອນຕົ້ນ,ມັດທະຍົມສຶກສາຕອນປາຍ ແລະ ມັດທະຍົມສົມບູນ ຊຶ່ງໃຊ້ເວລາຮຽນທັງໝົດ ສິບສອງປີ

- ເງື່ອນໄຂດ້ານທີ່ດິນ ແລະ ທີ່ຕັ້ງຂອງຜູ້ຂໍໃບອະນຸຍາດ:
1. ທີ່ດິນທີ່ໃຊ້ສ້າງຕັ້ງໂຮງຮຽນ ຕ້ອງເປັນກຳມະສິດຂອງຜູ້ປະກອບການ
2. ຖ້າເປັນທີ່ດິນເຊົ່າ ຕ້ອງມີສັນຍາເຊົ່າຢ່າງຕ່ຳ 10 ປີ ສຳລັບການສຶກສາກ່ອນໄວຮຽນ ແລະ ປະຖົມສຶກສາ ແລະ 15 ປີ ສຳລັບມັດຖະຍົມ
3. ຖ້າເປັນທີ່ດິນຈຳນອງ ຕ້ອງເປັນການຈຳນອງເພື່ອການດຳເນີນການສ້າງຕັ້ງໂຮງຮຽນເທົ່ານັ້ນ. 
4. ຕ້ອງມີພື້ນທີ່ສີຂຽວ ຈຳນວນ 1 ໃນ 3 ຂອງເນື້ອທີ່ທັງໝົດ
5. ມີເນື້ອທີ່ໃນຮົ່ມ ຫຼື ກາງແຈ້ງສຳລັບກິດຈະກຳສະໜັບສະໜັບການຮຽນຮຽນການສອນ ແລະ ອາເນກປະສົງບໍ່ຕ່ຳກວ່າ 1 ສ່ວນ 3 ຂອງເຂດພື້ນທີ່ຊົມໃຊ້ທັງໝົດ

- ມາດຕະຖານດ້ານອາຄານ ແລະ ສະຖານທີ່ຂອງຜູ້ຂໍໃບອະນຸຍາດ:

ກ. ສະຖານການສຶກສາກ່ອນໄວຮຽນ (ລ້ຽງເດັກ ແລະ ອະນຸບານສຶກສາ)
ສະຖານທີ່ຄ້ອງຕັ້ງຢູ່ຈຸດດຽວ ມີສະພາບແວດລ້ອມທີ່ດີ, ມີຄວາມປອດໄພ ແລະ ບໍ່ມີຄວາມສ່ຽງຕໍ່ໄພພິບັດຕ່າງໆ ມີເນື້ອທີ່ສະເລ່ຍ 25-35 ຕາແມັດ/ຄົນ
1. ມີອາຄານຮຽນ, ຫ້ອງການຂອງໂຮງຮຽນ, ຫ້ອງອຳນວຍການ, ຫ້ອງບໍລິຫານ, ຫ້ອງນອນສຳລັບເດັກ. ຫ້ອງແພດ, ຫ້ອງເດັກຫຼິ້ນ, ຫ້ອງຍາມ, ຫ້ອງພັກຄູ-ພະນັກງານ, ຫ້ອງອາຫານ, ຫ້ອງປະຕິບັດກິດຈະກຳຕ່າງໆທີ່ເໝາະສົມ, ໂຕະຕັ່ງ, ເຄື່ອງໃຊ້, ຫ້ອງເກັບມ້ຽນອຸປະກອນຮັບໃຊ້ສຳລັບການລ້ຽງດູ ແລະ ສິດສອນເດັກ
2. ມີໄຟຟ້າ, ນ້ຳສະອາດ, ລະບົບລະບາຍນ້ຳ, ຫ້ອງນ້ຳທີ່ສະອາດ ແລະ ເໝາະສົມກັບອາຍຸເດັກ
3. ມີເດີ່ນຫຼິ້ນ, ເຄື່ອງຫຼິ້ນເດີ່ນ, ມີກຳແພງອ້ອມຮອບ, ມີປະຕູໂຂງ, ເສົາທຸງຊາດລາວ, ປ້າຍໂຮງຮຽນ ແລະ ປ້າຍຫ້ອງຮຽນ
4. ມີອຸປະກອນການຮຽນ-ການສອນ, ເຄື່ອງຫຼິ້ນ, ແລະ ເຄື່ອງໃຊ້ທີ່ຮັບປະກັນຄວາມປອດໄພສຳລັບເດັກ

ຂ. ສະຖານການສຶກສາຊັ້ນປະຖົມສືກສາ
1. ສະຖານທີ່ມີສະພາບແວດລ້ອມທີ່ດີ, ມີຄວາມປອດໄພ. ແລະ ບໍ່ມີຄວາມສ່ຽງຕໍ່ໄພພິບັດຕ່າງໆ, ມີເນື້ອທີ່ສະເລ່ຍ 30-40 ຕາແມັດ/ຄົນ
2. ມີສະໂມສອນໃນຮົ່ມ, ເດີ່ນກິລາ, ບ່ອນຈອດລົດທີ່ເໝາະສົມ, ກຳແພງ, ປະຕູໂຂງ, ປ້າຍໂຮງຮຽນ ແລະ ປ້າຍຫ້ອງຮຽນ
3. ມີໄຟຟ້າ, ນ້ຳສະອາດ, ຫ້ອງນ້ຳແຍກຍິງ-ຊາຍ, ອ່າງລ້າງມື ແລະ ຫ້ອງອາບນ້ຳ
4. ມີຫ້ອງຄະນະອຳນວຍການ, ຫ້ອງພັກຄູ, ຫ້ອງຮຽນ, ຫ້ອງສະໝຸດ, ຫ້ອງສິລະປະກຳ, ຫ້ອງສິລະປະດົນຕີ. ຫ້ອງຄອມພິວເຕີ, ຫ້ອງເຝິກປະຕິບັດ, ຫ້ອງແນະແນວ, ຫ້ອງຟັງສຽງພາສາ, ຫ້ອງແພດ. ຫ້ອງອາຫານ ແລະ ຫ້ອງຍາມ
5. ມີສື່-ອຸປະກອນການຮຽນ-ການສອນ, ອຸປະກອນກິລາ ແລະ ສິລະປະ

ຄ. ສະຖານການສຶກສາ ຊັ້ນມັດທະຍົມສືກສາ
1. ມີສະພາບແວດລ້ອມທີ່ດີ, ມີຄວາມປອດໄພ ແລະ ບໍ່ມີຄວາມສ່ຽງຕໍ່ໄພພິບັດຕ່າງໆ, ມີເນື້ອທີ່ສະເລ່ຍ 30-40 ຕາແມັດ/ຄົນ
2. ມີສະໂມສອນໃນຮົ່ມ, ເດີ່ນກິລາ, ບ່ອນຈອດລົດທີ່ເໝາະສົມ, ກຳແພງ, ປະຕຸໂຂງ, ປ້າຍໂຮງຮຽນ ແລະ ປ້າຍຫ້ອງຮຽນ
3. ມີໄຟຟ້າ, ນ້ຳສະອາດ, ລະບົບລະບາຍນ້ຳ, ຫ້ອງນ້ຳແຍກຍິງ-ຊາຍ, ອ່າງລ້າງມື ແລະ ຫ້ອງອາບນ້ຳ
4. ມີຫ້ອງຄະນະອຳນວຍການ, ຫ້ອງພັກຄູ, ຫ້ອງປະຊຸມ, ຫ້ອງຮຽນ, ຫ້ອງສະໝຸດ, ຫ້ອງສິລະປະກຳ, ຫ້ອງສິລະປະດົນຕີ, ຫ້ອງຄອມພິວເຕີ, ຫ້ອງທົດລອງ, ຫ້ອງແນະແນວ, ຫ້ອງຟັງສຽງພາສາ, ຫ້ອງແພດ. ຫ້ອງອາຫານ ແລະ ຫ້ອງຍາມ, ມີຫ້ອງເກັບມ້ຽນສື່-ອຸປະກອນການຮຽນ-ການສອນ, ອຸປະກອນກິລາ ແລະ ສິລະປະ 
5. ສະຖານການສຶກສາທຸກຊັ້ນຮຽນຕ້ອງສ້າງເງື່ອນໄຂ ແລະ ສິ່ງອຳນວຍຄວາມສະດວກໃຫ້ແກ່ຜູ້ພິການສາມາດຮຽນຮ່ວມນຳໄດ້

ຄຸນສົມບັດຂອງຜູ້ຂໍໃບອະນຸຍາດ
1. ມີວຸດທິການສຶກສາໃນລະດັບໃດໜຶ່ງ (ມີປະສົບການໃນການບໍລິຫານ)
2. ມີຖານະການເງິນທີ່ໄດ້ຮັບການຢັ້ງຢືນຈາກທະນາຄານໃນ ສປປ ລາວ
3. ເປັນຜູ້ມີປະຫວັດຈະແຈ້ງ

1. ກົມສາມັນສຶກສາ ຈະພິຈາລະນາການອະນຸມັດສ້າງຕັ້ງ ສະເພາະ ໂຮງຮຽນສາມັນສຶກສາ ທີ່ນຳໃຊ້ຫລັກສູດຕ່າງປະເທດ.  
2. ການອະນຸມັດສ້າງຕັ້ງ ແລະ ຂໍຕໍ່ທະບຽນໂຮງຮຽນສາມັນສຶກສາພາກເອກະຊົນ, ຜູ້ປະກອບການ ສະເໜີຜ່ານຫ້ອງການສຶກສາທິການ ແລະ ກິລາເມືອງ ແລ້ວ ສະເໜີພະແນກສຶກສາທິການ ແລະ ກິລາແຂວງ,ນະຄອນຫລວງ 
3. ການຂໍອະນຸຍາດດຳເນີນການເປີດໂຮງຮຽນ ແລະ ຂະຫຍາຍຊັ້ນຮຽນ ໃຫ້ຢືນຄຳຮ້ອງເຖິງ ກົມສາມັນສຶກສາ ກະຊວງສຶກສາທິການ ແລະ ກິລາ ໂດຍຜ່ານຫ້ອງການສຶກສາທິການ ແລະ ກິລາເມືອງ,ພະແນກສຶກສາທິການ ແລະ ກິລາແຂວງ,ນະຄອນຫລວງ ກ່ອນວັນເປີດສົກຮຽນ ຢ່າງໜ້ອຍ 90 ວັນ
4. ການຂໍອະນຸຍາດດຳເນີນການເປີດໂຮງຮຽນ ແລະ ຂະຫຍາຍຊັ້ນຮຽນໃໝ່ໃຫ້ຍື່ນຄຳຮ້ອງເຖິງກົມວິຊາທີ່ກ່ຽວຂ້ອງ ຂອງກະຊວງສຶກສາທິການ ແລະ ກິລາ ໂດຍຜ່ານຫ້ອງການສຶກສາທິການ ແລະ ກິລາເມືອງ, ພະແນກສຶກສາທິການ ແລະ ກິລາແຂວງ, ນະຄອນຫຼວງ, ກ່ອນວັນເປີດສົກຮຽນ ຢ່າງໜ້ອຍ 90 ວັນ