ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ນິຕິບຸກຄົນ ທີ່ມີຈຸດປະສົງສ້າງຕັ້ງ ແລະ ດຳເນີນທຸລະກິດດ້ານການປະກັນໄພຊີວິດ ໃນການປະກັນຄວາມສ່ຽງຂອງຊີວິດບຸກຄົນ ສໍາລັບການເຂົ້າເຮັດປະກັນໄພຊີວິດບຸກຄົນ ແລະ ກຸ່ມ ສຳລັບຜູ້ໃຫ້ການປະກັນໄພຈະຈ່າຍຄ່າຊົດເຊີຍໃຫ້ແກ່ຜູ້ຮັບຜົນປະໂຫຍດຖ້າຜູ້ປະກັນໄພເສຍຊີວິດ.

1. ບໍລິສັດດັ່ງກ່າວຕ້ອງໄດ້ຮັບໃບອະນຸຍາດລົງທຶນ ຈາກກະຊວງແຜນການ ແລະ ການລົງທຶນ;
2. ຜູ້ສ້າງຕັ້ງບໍລິສັດປະກັນໄພຕ້ອງມີປະຫວັດການດຳເນີນທຸລະກິດທີ່ດີ, ບໍ່ເຄີຍຖືກສານຕັດສິນລົງໂທດຕັດອິດສະລະພາບໃນສະຖານການກະທຳຜິດຕໍ່ເສດຖະກິດໂດຍເຈດຕະນາ, ບໍ່ນອນຢູ່ໃນບັນຊີລາຍຊື່ຜູ້ກໍ່ການຮ້າຍ ແລະ ອາຊະຍາກຳຂ້າມຊາດ; 
3. ມີທຶນຈົດທະບຽນ ຕໍ່າສຸດ 16 ຕື້ກີບ ຕະຫຼອດໄລຍະເວລາດຳເນີນທຸລະກິດ; 
4. ຕ້ອງວາງເງິນຄຳ້ປະກັນ 1/3 ຂອງທຶນຈົດທະບຽນ ໄວ້ຢູ່ທະນາຄານໃດໜື່ງທີ່ມີຄວາມໝັ້ນຄົງທາງດ້ານການເງິນ ທີ່ຕັ້ງຢູ່ ສປປ ລາວ ແລະ ແຈ້ງໃຫ້ກະຊວງການເງິນຮັບຊາບເຖິງຈຳນວນເງິນຄຳ້ປະກັນດັ່ງກ່າວ; ໂດຍນັກລົງທຶນຕ້ອງປະຕິບັດຕາມເງື່ອນໄຂດັ່ງຕໍ່ໄປນີ້: 
(ກ) ສຳລັບການເປີດບັນຊີ, ການຖອນເງິນ ແລະ ການປິດບັນຊີ ຕ້ອງມີສອງລາຍເຊັນຮ່ວມກັນລະຫວ່າງບໍລິສັດປະກັນໄພ ແລະ ກົມຄຸ້ມຄອງ ແລະ ພັດທະນາ ວິສາຫະກິດທີ່ລັດລົງທຶນ ແລະ ປະກັນໄພ; 
(ຂ) ຕ້ອງແຈ້ງໃຫ້ທະນາຄານທີ່ຕົນມີເງິນຝາກຢູ່ນັ້ນຮັບຊາບວ່າ ເຈົ້າໜ້າທີ່ຄຸ້ມຄອງທຸລະກິດປະກັນໄພ ມີອຳນາດໂດຍກົງໃນການກວດສອບຍອດເງິນຝາກຂອງຕົນໄດ້ທຸກເວລາ; ແລະ 
(ຄ) ການໂອນ ຫຼື ນຳໃຊ້ເງິນຄຳ້ປະກັນຄວາມສ່ຽງຕ້ອງໄດ້ຮັບອະນຸຍາດຈາກກະຊວງການເງິນ;
5. ຕ້ອງມີພະນັກງານ ຫຼື ບຸກຄະລາກອນ ທີ່ມີຄວາມຮູ້ຄວາມສາມາດ, ຄວາມຊຳນານທາງດ້ານວິຊາຊີບ ແລະ ມີໃບຢັ້ງຢືນ ຫຼື ປະກາດສະນິຍະບັດທາງດ້ານການປະກັນໄພ; 
6. ຕ້ອງກຳນົດແຜນການດຳເນີນທຸລະກິດໄລຍະສັ້ນ, ໄລຍະກາງ ແລະ ໄລຍະຍາວ; 
7. ບໍ່ເຄີຍຖືກຖອນໃບອະນຸຍາດດຳເນີນທຸລະກິດປະກັນໄພ ໃນໄລຍະເວລາ 5 ປີ; ແລະ 
8. ໃນກໍລະນີທີ່ເປັນນັກລົງທຶນຕ່າງປະເທດ: (ກ) ມີປະສົບການໃນການດຳເນີນທຸລະກິດປະກັນໄພມາກ່ອນຢ່າງໜ້ອຍ 5 ປີ; (ຂ) ມີໃບອະນຸຍາດສ້າງຕັ້ງຫ້ອງການຜູ້ຕາງໜ້າຂອງບໍລິສັດປະກັນໄພຕ່າງປະເທດ; ແລະ (ຄ) ມີໃບອະນຸຍາດສ້າງຕັ້ງ ແລະ ດຳເນີນທຸລະກິດດ້ານປະກັນໄພຈາກປະເທດຕົ້ນທາງຂອງນັກລົງທຶນ.

1. ທໍາອິດແມ່ນຕ້ອງຂໍ ໃບອະນຸຍາດຊົ່ວຄາວ ສໍາລັບໄລຍະເວລາ 1 ປີ ເພື່ອຈຸດປະສົງໃນການຕິດຕາມກວດກາ ແລະ ຄຸ້ມຄອງ ແລະ ພາຍຫຼັງຈາກທີ່ໄດ້ຮັບການພິສູດແລ້ວວ່າ ມີຄວາມສາມາດຕາມເງື່ອນໄຂ ແລະ ຂໍ້ກຳນົດທັງໝົດ, ໃບອະນຸຍາດແບບຖາວອນຈຶ່ງຈະອອກໃຫ້. 
2. ປະຈຸບັນ, ລັດຖະບານອອກແຈ້ງການໂຈະການອອກໃບອະນຸຍາດນີ້ໃຫ້ແກ່ ວິສາຫະກິດທີ່ສ້າງຕັ້ງໃໝ່