ໃບຢັ້ງຢືນການອະນຸມັດສິດທິບັດ
Certificate of Patent
| ຂໍ້ມູນທີ່ໄດ້ຮັບຈາກຂະແໜງການທີ່ກ່ຽວຂ້ອງ | ||
|---|---|---|
| ປະເພດເອກະສານ | ໃບຢັ້ງຢືນ | |
| ວັນທີແກ້ໄຂຂໍ້ມູນລ່າສຸດ | 22.12.2017 | |
| ພາກສ່ວນຮັບຜິດຊອບ | ກົມຊັບສິນທາງປັນຍາ
|
|
| LSIC | ທຸກພາກສ່ວນ | |
| ຜູ້ທີ່ສາມາດຍື່ນຂໍເອກະສານ |
ຜູ້ເປັນເຈົ້າຂອງ ການປະດິດສ້າງ ຊຶ່ງໝາຍເຖີງການນໍາໃຊ້ວິທີການທາງດ້ານເຕັກນິກເພື່ອສ້າງຜະລິດຕະພັນ ຫລື ກໍາມະວິທີການຜະລິດໃໝ່ ໃນການແກ້ໄຂບັນຫາສະເພາະໃດໜຶ່ງ ແລະ ເປັນຜູ້ທີ່ມີຈຸດປະສົງຈະໄດ້ຮັບການປົກປ້ອງການປະດິດສ້າງດັ່ງກ່າວ ໃນຂອບເຂດ ສປປ ລາວ |
|
| ເງື່ອນໄຂໃນການຂໍເອກະສານ |
- ອີງຕາມກົດໝາຍຊັບສິນທາງປັນຍາ ມາດຕາ 26 ບຸກຄົນທີ່ມີສິດໄດ້ຮັບການປົກປ້ອງສິດ ມີດັ່ງນີ້: (i) ເປັນພົນລະເມືອງລາວ ຫລື ຜູ້ທີ່ມີທີ່ຢູ່ອາໄສ ຢູ່ ສປປ ລາວ ຫລື ນິຕິບຸກຄົນ ຫລື ການຈັດຕັ້ງທີ່ສ້າງຕັ້ງຂຶ້ນ ພາຍໃຕ້ກົດໝາຍຂອງ ສປປ ລາວ; (ii) ບຸກຄົນທີ່ມີສັນຊາດ ຫລື ມີທີ່ຢູ່ອາໄສຢູ່ ປະເທດໃດໜຶ່ງ ຊຶ່ງເປັນພາຄີຂອງສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ; (iii) ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ມີສະຖານທີ່ດໍາເນີນການຄ້າ ແລະ ອຸດສາຫະກໍາຕົວຈິງ ແລະ ມີປະສິດທິຜົນ ຢູ່ໃນອານາເຂຕຂອງປະເທດໃດໜຶ່ງ ທີ່ເປັນພາຄີຂອງ ສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ - ການປະດິດສ້າງທີ່ສາມາດໄດ້ຮັບສິດທິບັດຕ້ອງມີເງື່ອນໄຂຄື: (1) ຕ້ອງເປັນການປະດິດສ້າງທີ່ບໍ່ເຄີຍມີມາກ່ອນ, ບໍ່ເຄີຍຖືກເປີດເຜີຍ ສູ່ສາທາລະນະຊົນ ດ້ວຍວາລະສານ ຫຼື ດ້ວຍການນໍາໃຊ້ຕົວຈິງ ຫຼື ຮູບການອື່ນ ຢູ່ ສປປ ລາວ ຫຼື ແຫ່ງໃດໜຶ່ງໃນໂລກ ກ່ອນວັນຍື່ນຄໍາຮ້ອງຂໍຈົດທະບຽນ ຫຼື ກ່ອນວັນທີໄດ້ຮ້ອງຂໍວັນບູລິມະສິດ ຂອງຄຳຮ້ອງຂໍຮັບສິດທິບັດ; (2) ຕ້ອງມີຂັ້ນຕອນການປະດີດສ້າງທີ່ສູງຂຶ້ນ ເມື່ອທຽບໃສ່ການປະດິດສ້າງທີ່ມີມາກ່ອນແລ້ວ; (3) ຕ້ອງນໍາໃຊ້ໃຫ້ເປັນປະໂຫຍດໃນຂົງເຂດ ອຸດສາຫະກຳ, ຫັດຖະກໍາ, ກະສິກໍາ, ການປະມົງ, ການຄ້າ, ການບໍລິການ ແລະ ອື່ນໆ (ມາດຕາ 13, ກົດໝາຍວ່າດ້ວຍຊັບສິນທາງປັນຍາ) |
|
| ຄໍາເຫັນເພີ່ມເຕີມ |
- ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ຢູ່ຕ່າງປະເທດ ຊຶ່ງມີຈຸດປະສົງຂໍຈົດທະບຽນຊັບສິນທາງປັນຍາຢູ່ ສປປ ລາວ ຕ້ອງໄດ້ມີຕົວແທນທີ່ຖືກຕ້ອງຕາມກົດໝາຍຢູ່ ສປປ ລາວ ເພື່ອດໍາເນີນທຸລະກໍາທີ່ກ່ຽວຂ້ອງກັບ ວຽກງານຊັບສິນທາງປັນຍາ ຢູ່ ສປປ ລາວ (ມາດຕາ 27, ກົດໝາຍວ່າດ້ວຍຊັບສິນທາງປັນຍາ) - ສໍານວນຄໍາຮ້ອງຂໍຈົດທະບຽນ ແລະ ເອກະສານຄັດຕິດອື່ນໆ ສາມາດເຮັດເປັນພາສາລາວ ຫລື ອັງກິດກໍ່ໄດ້. ຖ້າວ່າ ຄໍາຮ້ອງຂໍ ຫລື ເອກະສານ ທີ່ໄດ້ເຮັດເປັນພາສາອັງກິດ, ຕ້ອງຍື່ນສະບັບແປ ເປັນພາສາລາວ ໂດຍໄດ້ຮັບການຢັ້ງຢືນຄວາມຖືກຕ້ອງ ພາຍໃນ 90 ວັນຫລັງຈາກວັນໄດ້ຍື່ນຄໍາຮ້ອງຂໍ (ມາດຕາ 37, ກົດໝາຍວ່າດ້ວຍຊັບສິນທາງປັນຍາ) - ການປະດິດສ້າງ ທີ່ສາມາດໄດ້ຮັບສິດທິບັດ ຕ້ອງມີເງື່ອນໄຂຄື: (1) ຕ້ອງເປັນການປະດິດສ້າງທີ່ບໍ່ເຄີຍມີມາກ່ອນ, ບໍ່ເຄີຍຖືກເປີດເຜີຍ ສູ່ສາທາລະນະຊົນ ດ້ວຍວາລະສານ ຫຼື ດ້ວຍການນໍາໃຊ້ຕົວຈິງ ຫຼື ຮູບການອື່ນ ຢູ່ ສປປ ລາວ ຫຼື ແຫ່ງໃດໜຶ່ງໃນໂລກ ກ່ອນວັນຍື່ນຄໍາຮ້ອງຂໍຈົດທະບຽນ ຫຼື ກ່ອນວັນທີໄດ້ຮ້ອງຂໍວັນບູລິມະສິດ ຂອງຄຳຮ້ອງຂໍຮັບສິດທິບັດ; (2) ຕ້ອງມີຂັ້ນຕອນການປະດີດສ້າງທີ່ສູງຂຶ້ນ ເມື່ອທຽບໃສ່ການປະດິດສ້າງທີ່ມີມາກ່ອນແລ້ວ; (3) ຕ້ອງນໍາໃຊ້ໃຫ້ເປັນປະໂຫຍດໃນຂົງເຂດ ອຸດສາຫະກຳ, ຫັດຖະກໍາ, ກະສິກໍາ, ການປະມົງ, ການຄ້າ, ການບໍລິການ ແລະ ອື່ນໆ (ມາດຕາ 13, ກົດໝາຍວ່າດ້ວຍຊັບສິນທາງປັນຍາ) |
|
| ກົດໝາຍ ແລະ ນິຕິກໍາອື່ນໆ ທີ່ກ່ຽວຂ້ອງ | ||||
|---|---|---|---|---|
| ຊື່ | ເລກທີ | ລົງວັນທີ | ໝາຍເຫດ | |
| ກົດໝາຍວ່າດ້ວຍຊັບສິນທາງປັນຍາ (ສະບັບປັບປຸງ 2017) | 38/ສພຊ | 15.11.2017 | ||
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຄັ້ງທໍາອິດ | ||||
|---|---|---|---|---|
| ຊື່ | ໝາຍເຫດ | |||
| ບົດສັງເຂບ | ||||
| ຮູບແຕ້ມ | ໃນກໍລະນີຈຳເປັນ |
|||
| ບົດອະທິບາຍກ່ຽວກັບຂໍ້ຮຽກຮ້ອງຂໍຮັບສິດ | ກຳນົດຫົວຂໍ້ທີ່ຈະປົກປ້ອງຢ່າງຈະແຈ້ງ |
|||
| ບົດອະທິບາຍກ່ຽວກັບສິ່ງປະດິດຢ່າງຈະແຈ້ງ ແລະ ຄົບຖ້ວນ | ||||
| ໃບຄຳຮ້ອງ | ຕາມແບບພິມ |
|||
| ໃບມອບສິດ | ບົ່ງບອກຊື່ ແລະ ທີ່ຢູ່ຂອງຜຸ້ຕາງໜ້າ ຢູ່ ສປປ ລາວ ໃນກໍລະນີ ທີ່ຍື່ນຄໍາຮ້ອງຜ່ານຜູ້ຕາງໜ້າ |
|||
| ເອກະສານທີ່ຕ້ອງປະກອບສຳລັບການຍື່ນຂໍເອກະສານ - ຕໍ່ອາຍຸ | ||||
|---|---|---|---|---|
| ຊື່ | ໝາຍເຫດ | |||
| ຮູບແບບການຍື່ນເອກະສານ | ||
|---|---|---|
| ການຍື່ນເອກະສານ | ຢູ່ທີ່ຫ້ອງການເຈົ້າຫນ້າທີ່ | |
| ທີ່ຢູ່ຂອງພາກສ່ວນທີ່ຮັບຜິດຊອບ | ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ | |
| ໄລຍະເວລາໃນການ ພິຈາລະນາຄຳຮ້ອງ (ວັນ) | 960 | 1. ກົມຈະກວດສອບຄໍາຮ້ອງຂໍຈົດທະບຽນເບື້ອງຕົ້ນ ເພື່ອຮັບປະກັນວ່າ ຄໍາຮ້ອງຂໍນັ້ນ ຄົບຖ້ວນຖືກຕ້ອງຕາມແບບຟອມ ແລະ ໄດ້ຈ່າຍຄ່າທໍານຽມແລ້ວ ຫລືບໍ່ ກ່ອນ 2. ພາຍຫລັງການກວດສອບເບື້ອງຕົ້ນ: (i) ກໍຈະຈັດພິມເຜີຍແຜ່ລົງໃນຈົດໝາຍເຫດທາງລັດຖະການ ກ່ຽວກັບ ຊັບສິນອຸດສາຫະກໍາ ໃນເດືອນທີສິບເກົ້າ ນັບແຕ່ວັນຍື່ນຄໍາຮ້ອງ; ແລະ (ii) ດໍາເນີນການກວດສອບເນື້ອໃນເພື່ອກໍານົດໃຫ້ຮູ້ວ່າມີຄວາມສອດຄ່ອງກັບເງື່ອນໄຂຕາມທີ່ກໍານົດໄວ້ໃນກົດໝາຍ ຫລື ບໍ່ ໃນຂອບໄລຍະເວລາ 32 ເດືອນນັບແຕ່ວັນຍື່ນຄໍາຮ້ອງຂໍ. ແຕ່ໃນກໍລະນີຜູ້ຮ້ອງຂໍໄດ້ເຮັດການຄົ້ນຫາ ຫລື ກວດສອບໂດຍອົງການອື່ນມາກ່ອນແລ້ວ, ຜູ້ຮ້ອງຂໍສາມາດສະໜອງສໍາເນົາຂອງບົດລາຍງານຈາກອົງການດັ່ງກ່າວ ແລະ ສະເໜີໃຫ້ກົມ ຮັບຮອງເອົາ ແທນທີ່ຈະດໍາເນີນການຄົ້ນຫາ ຢູ່ ສປປ ລາວໄດ້ |
| ການຕໍ່ອາຍຸເອກະສານ | ||
|---|---|---|
| ເອກະສານມີກຳນົດອາຍຸ ຫຼື ບໍ່? | ມີ | |
| ໃບອະນຸຍາດມີອາຍຸການນຳໃຊ້ຈັກເດືອນ? | 240 | |
| ຂັ້ນຕອນ ແລະ ເງື່ອນໄຂສຳລັບການຕໍ່ອາຍຸເອກະສານ | ເພື່ອຮັກສາອາຍຸການປົກປ້ອງນັ້ນ, ເຈົ້າຂອງສິດທິບັດ ຕ້ອງຈ່າຍຄ່າທໍານຽມລ່ວງໜ້າ ແຕ່ລະປີ | |
| ຄ່າທຳນຽມສຳລັບການຍື່ນຂໍເອກະສານ | ||||
|---|---|---|---|---|
| ມີຄ່າໃຊ້ຈ່າຍ ຫຼື ບໍ່ | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ມີ | 600000.00 | 300000.00 | 200000.00 | 1100000.00 |
| ຄຳເຫັນ |
ອີງຕາມ ລັດຖະດໍາລັດ 03/ປທ ຄ່າບໍລິການການຈົດທະບຽນແມ່ນຄໍານວນຕາມແຕ່ລະຂັ້ນຕອນຂອງການກວດສອບການຂໍຈົດທະບຽນ ລວມທັງໝົດຕໍ່າສຸດ 1,2000,000 ກີບ |
|||
| ຄ່າທຳນຽມສຳລັບການຂໍຕໍ່ອາຍຸເອກະສານ | ||||
|---|---|---|---|---|
| ມີຄ່າຕໍ່ອາຍຸເອກະສານ ຫຼື ບໍ? | ຄ່າບໍລິການ | ຄ່າທຳນຽມທາງວິຊາການ | ຄ່າໃບຄຳຮ້ອງ | ຄ່າໃຊ້ຈ່າຍທັງໝົດ |
| ມີ | 6400000.00 | 0.00 | 42000000.00 | 48400000.00 |
| ຄຳເຫັນ |
ອີງຕາມ ລັດຖະດໍາລັດ 03/ປທ 1. ຄ່າທໍານຽມຈົດທະບຽນ ສໍາລັບໄລຍະເວລາ 20 ປີຂອງອາຍຸການຄຸ້ມຄອງ ແມ່ນຄິດໄລ່ໃນ ອັດຕາດັ່ງນີ້: (i) 4 ປີທຳອິດ = 300,000 ກີບ; (ii) ປີທີ 5 = 300,000 ກີບ; (iii) ປີທີ 6 = 400,000 ກີບ; (iv) ປີທີ 7 = 500,000 ກີບ; (v) ປີທີ 8 = 600,000 ກີບ; (vi) ປີທີ 9 = 800,000 ກີບ; (vii) ປີທີ 10 = 1,000,000 ກີບ; (viii) ປີທີ 11 = 1,400,000 ກີບ; (ix) ປີທີ 12 = 1,800,000 ກີບ; (x) ປີທີ 13 = 2,300,000 ກີບ; (xi) ປີທີ 14 = 2,800,000 ກີບ; (xii) ປີທີ 15 = 3,300,000; (xiii) ປີທີ 16 = 3,900,000 ກີບ; (xiv) ປີທີ 17 = 4,500,000 ກີບ; (xv) ປີທີ 18 = 5,100,000 ກີບ; (xvi) ປີທີ 19 = 5,700,000 ກີບ; (xvii) ປີທີ 20 = 6,500,000 ກີບ ຄ່າບໍລິການເພື່ອຮັກສາອາຍຸການຂອງສິດທິບັດ ແມ່ນເກັບນັບຈາກປີທີ 5 ໃນອັດຕາ ປີລະ 400,000 ກີບ - ໃນກໍລະນີທີ່ເຈົ້າຂອງສິດທິບັດບໍ່ຕ້ອງການນຳໃຊ້ສິດທິບັດອີກຕໍ່ໄປ ແມ່ນສາມາດຢຸດຕິການຊຳລະເພື່ອຮັກສາອາຍຸການ ແລ້ວສິດທິບັດດັ່ງກ່າວກໍ່ຈະກາຍເປັນຂອງສາທາລະນະໃນເວລາທີ່ໄດ້ຢຸດຕິການຊຳລະຂອງປີນັ້ນໆ. |
|||
