ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ຜູ້ເປັນເຈົ້າຂອງ ເຄື່ອງໝາຍການຄ້າ ຊຶ່ງໝາຍເຖີງສັນຍາລັກໃດໜື່ງ ຫຼື ຫຼາຍສັນຍາລັກລວມກັນທີ່ສາມາດຈໍາແນກສິນຄ້າ ຫລື ການບໍລິການນີ້ກັບສິນຄ້າ ແລະ ການບໍລິການອື່ນ ແລະ ເປັນຜູ້ທີ່ມີຈຸດປະສົງຈະໄດ້ຮັບການປົກປ້ອງເຄື່ອງໝາຍການຄ້າດັ່ງກ່າວໃນຂອບເຂດ ສປປ ລາວ

ບຸກຄົນທີ່ມີສິດໄດ້ຮັບການປົກປ້ອງສິດ ມີດັ່ງນີ້: 
(i)	ເປັນພົນລະເມືອງລາວ ຫລື ຜູ້ທີ່ມີທີ່ຢູ່ອາໄສ ຢູ່ ສປປ ລາວ ຫລື ນິຕິບຸກຄົນ ຫລື ການຈັດຕັ້ງທີ່ສ້າງຕັ້ງຂຶ້ນ ພາຍໃຕ້ກົດໝາຍຂອງ ສປປ ລາວ; 
(ii)	ບຸກຄົນທີ່ມີສັນຊາດ ຫລື ມີທີ່ຢູ່ອາໄສຢູ່ ປະເທດໃດໜຶ່ງ ຊຶ່ງເປັນພາຄີຂອງສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ; 
(iii)	ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ມີສະຖານທີ່ດໍາເນີນການຄ້າ ແລະ ອຸດສາຫະກໍາຕົວຈິງ ແລະ ມີປະສິດທິຜົນ ຢູ່ໃນອານາເຂດຂອງປະເທດໃດໜຶ່ງ ທີ່ເປັນພາຄີຂອງ ສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ

ເງື່ອນໄຂຂອງເຄື່ອງໝາຍທີ່ຈະໄດ້ຮັບໃບຢັ້ງຍືນ ມີດັ່ງນີ້: 
(i) ເຄື່ອງໝາຍ ອາດເປັນສັນຍາລັກໃດໜຶ່ງ ຫລື ຫລາຍສັນຍາລັກລວມກັນ ທີ່ສາມາດຈຳແນກສິນຄ້າ ຫລື ການບໍລິການ ຂອງບໍລິສັດໃດໜຶ່ງ ແຕກຕ່າງຈາກບໍລິສັດອື່ນ; 
(ii) ເຄື່ອງໝາຍ ທີ່ບໍ່ຄືກັນກັບເຄື່ອງໝາຍການຄ້າ, ເຄື່ອງໝາຍທີ່ມີຊື່ສຽງ ຫລື ຖິ່ນກໍາເນີດທີ່ໄດ້ຈົດທະບຽນກ່ອນແລ້ວ ສໍາລັບ ສິນຄ້າ ຫລື ການບໍລິການ ອັນດຽວກັນ; 
(iii) ເຄື່ອງໝາຍ ທີ່ບໍ່ຄ້າຍຄືກັນ ກັບ ເຄື່ອງໝາຍການຄ້າ ທີ່ໄດ້ຈົດທະບຽນກ່ອນໜ້ານີ້ ຫລື ເຄື່ອງໝາຍທີ່ມີຊື່ສຽງ ສໍາລັບ ສິນຄ້າ ຫລື ການບໍລິການ ອັນດຽວກັນ, ຄ້າຍຄືກັນ ຫລື ກ່ຽວຂ້ອງກັນ ຊຶ່ງການນໍາໃຊ້ເຄື່ອງໝາຍດັ່ງກ່າວ ອາດຈະພາໃຫ້ເກີດຄວາມສັບສົນ ເຖີງແຫລ່ງທີ່ມາຂອງສິນຄ້າ ຫລື ການບໍລິການ ຫລື ສ້າງຄວາມເຂົ້າໃຈຜິດວ່າ ເຄື່ອງໝາຍນັ້ນ ກ່ຽວຂ້ອງກັນ ຫລື ກ່ຽວພັນກັບຜູ້ອື່ນ; 
(iv) ເຄື່ອງໝາຍທີ່ບໍ່ມີລັກສະນະຕ້ອງຫ້າມ ຕາມມາດຕາ 23 ຂອງກົດໝາຍວ່າດ້ວຍຊັບສິນທາງປັນຍາ 

1.	ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ຢູ່ຕ່າງປະເທດ ຊຶ່ງມີຈຸດປະສົງຂໍຈົດທະບຽນຊັບສິນທາງປັນຍາ ຢູ່ ສປປ ລາວ ຕ້ອງໄດ້ມີຕົວແທນ ທີ່ຖືກຕ້ອງຕາມກົດໝາຍ ຢູ່ ສປປ ລາວ ເພື່ອດໍາເນີນທຸລະກໍາ ທີ່ກ່ຽວຂ້ອງກັບ ວຽກງານຊັບສິນທາງປັນຍາ ຢູ່ ສປປ ລາວ  (ມາດຕາ 27)
2.	ສໍານວນຄໍາຮ້ອງຂໍຈົດທະບຽນ ແລະ ເອກະສານຄັດຕິດອື່ນໆ ສາມາດເຮັດເປັນພາສາລາວ ຫລື ອັງກິດກໍ່ໄດ້. ຖ້າວ່າ ຄໍາຮ້ອງຂໍ ຫລື ເອກະສານ ທີ່ໄດ້ເຮັດເປັນພາສາອັງກິດ, ຕ້ອງຍື່ນສະບັບແປ ເປັນພາສາລາວ ໂດຍໄດ້ຮັບການຢັ້ງຢືນຄວາມຖືກຕ້ອງ ພາຍໃນ 90 ວັນຫລັງຈາກວັນໄດ້ຍື່ນຄໍາຮ້ອງຂໍ 
3.	ເງື່ອນໄຂຂອງເຄື່ອງໝາຍທີ່ຈະໄດ້ຮັບໃບຢັ້ງຍືນ ມີດັ່ງນີ້: 
(i) ເຄື່ອງໝາຍ ອາດເປັນສັນຍາລັກໃດໜຶ່ງ ຫລື ຫລາຍສັນຍາລັກລວມກັນ ທີ່ສາມາດຈຳແນກສິນຄ້າ ຫລື ການບໍລິການ ຂອງບໍລິສັດໃດໜຶ່ງ ແຕກຕ່າງຈາກບໍລິສັດອື່ນ; 
(ii) ເຄື່ອງໝາຍ ທີ່ບໍ່ຄືກັນກັບເຄື່ອງໝາຍການຄ້າ, ເຄື່ອງໝາຍທີ່ມີຊື່ສຽງ ຫລື ຖິ່ນກໍາເນີດທີ່ໄດ້ຈົດທະບຽນກ່ອນແລ້ວ ສໍາລັບ ສິນຄ້າ ຫລື ການບໍລິການ ອັນດຽວກັນ; 
(iii) ເຄື່ອງໝາຍ ທີ່ບໍ່ຄ້າຍຄືກັນ ກັບ ເຄື່ອງໝາຍການຄ້າ ທີ່ໄດ້ຈົດທະບຽນກ່ອນໜ້ານີ້ ຫລື ເຄື່ອງໝາຍທີ່ມີຊື່ສຽງ ສໍາລັບ ສິນຄ້າ ຫລື ການບໍລິການ ອັນດຽວກັນ, ຄ້າຍຄືກັນ ຫລື ກ່ຽວຂ້ອງກັນ ຊຶ່ງການນໍາໃຊ້ເຄື່ອງໝາຍດັ່ງກ່າວ ອາດຈະພາໃຫ້ເກີດຄວາມສັບສົນ ເຖີງແຫລ່ງທີ່ມາຂອງສິນຄ້າ ຫລື ການບໍລິການ ຫລື ສ້າງຄວາມເຂົ້າໃຈຜິດວ່າ ເຄື່ອງໝາຍນັ້ນ ກ່ຽວຂ້ອງກັນ ຫລື ກ່ຽວພັນກັບຜູ້ອື່ນ; 
(iv) ເຄື່ອງໝາຍທີ່ບໍ່ມີລັກສະນະຕ້ອງຫ້າມ ຕາມມາດຕາ 23 ຂອງກົດໝາຍວ່າດ້ວຍຊັບສິນທາງປັນຍາ (ເບິ່ງເພີ່ມມາດຕາ 16)