|
ຂັ້ນຕອນ ແລະ ເງື່ອນໄຂສຳລັບການຕໍ່ອາຍຸເອກະສານ
|
I. ສໍາລັບການລົງທຶນ ໃນກິດຈະການ ການລົງທຶນທົ່ວໄປ “ ກິດຈະການ ບໍ່ຢູ່ໃນບັນຊີຄວບຄຸມ “
1. ໃບຄຳຮ້ອງ ຂໍຕໍ່ໃບອະນຸຍາດດຳເນີນທຸລະກິດກະສິກຳ ແລະ ປ່າໄມ້ (ພ້ອມດ້ວຍຮູບຂະໜາດ 3x4 ຈຳນວນ 02 ໃບ) ຕາມແບບຟອມຄໍາຮ້ອງ ກົມແຜນການ ແລະ ການຮ່ວມມື, ກະຊວງກະສິກໍາ ແລະ ປ່າໄມ້;
2. ບົດສະຫຼຸບການເຄື່ອນໄຫວດຳເນີນກິດຈະການໃນປີຜ່ານມາ (ຕາມຮ່າງບົດສະຫຼຸບລາຍງານ ຂອງກົມແຜນການ ແລະ ການຮ່ວມມື, ກະສິກຳ ແລະ ປ່າໄມ້ ໂດຍມີການຢັ້ງຢືນຮັບຮູ ຈາກພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ແລະ ຫ້ອງການກະສິກໍາ ແລະ ປ່າໄມ້ ຂັ້ນເມືອງ ທີ່ກ່ຽວຂ້ອງ);
3. ໃບທະບຽນວິສາຫະກິດ;
4. ໃບທະບຽນອາກອນ ຫຼື ໃບຢັ້ງຢືນການມອບພັນທະເສຍອາກອນ;
5. ໃບອະນຸຍາດດຳເນີນກິດຈະການກະສິກຳ ແລະ ປ່າໄມ້ (ປີຜ່ານມາ).
ໝາຍເຫດ: 1. ໃນກໍລະນີບໍລິສັດໄດ້ໄປເຄື່ອນໄຫວກິດຈະການຢູ່ຫຼາຍແຂວງ ແມ່ນໃຫ້ເຮັດບົດສະຫຼຸບສະເພາະຂອງແຕ່ລະແຂວງ ໂດຍຜ່ານການຢັ້ງຢືນຮັບຮູ້ຢ່າງຖືກຕ້ອງ ຈາກ ຫ້ອງການກະສິກຳ ແລະ ປ່າໄມ້ ຂັ້ນເມືອງ ແລະ ພະແນກກະສິກຳ ແລະ ປ່າໄມ້ ຂັ້ນແຂວງ, ນະຄອນຫຼວງ ທີ່ກ່ຽວຂ້ອງ ບ່ອນທີ່ໄດ້ມີການດຳເນີນກິດຈະ ການໂຄງການນັ້ນ;
ສໍາລັບກິດຈະການເຄື່ອນໄຫວດ້ານບໍລິການທີ່ປືກສາ ແລະ ບໍລິການການຄ້າຂາອອກ-ຂາເຂົ້າທົ່ວໄປເພື່ອຈໍາໜ່າຍ ແມ່ນບໍ່ໄດ້ເຊັນຢັ້ງຢືນຮັບຮູ້ຈາກ ຫ້ອງການກະສິກຳ ແລະ ປ່າໄມ້ ຂັ້ນເມືອງ ແລະ ພະແນກກະສິກຳ ແລະ ປ່າໄມ້ ຂັ້ນແຂວງ (ແມ່ນໃຫ້ຄັດຕິດເອກະສານທີ່ກ່ຽວຂ້ອງຄົບຖ້ວນ ໃນການນໍາເຂົ້າ-ສົ່ງອອກ ມາພ້ອມ).
2. ໃນກໍລະນີບໍ່ມີບົດສະຫຼຸບລາຍງານການເຄື່ອນໄຫວດຳເນີນກິດຈະການໃນປີຜ່ານມາ ແລະ ບໍ່ມີການຢັ້ງຢືນຮັບຮູ້ຈາກ ຫ້ອງການກະສິກໍາ ແລະ ປ່າໄມ້ ຂັ້ນເມືອງ, ພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ທີ່ກ່ຽວຂ້ອງ. ກົມແຜນການ ແລະ ການຮ່ວມມື ກະຊວງກະສິກໍາ ແລະ ປ່າໄມ້ ຕ້ອງສົມທົບກັບ ກົມ, ພາກສ່ວນທີ່ກ່ຽວຂ້ອງຢູ່ທ້ອງຖິ່ນ ແລະ ບໍລິສັດ ເພື່ອພ້ອມກັນລົງເກັບກໍາຂໍ້ມູນ ຕິດຕາມ ກວດກາ ການເຄື່ອນໄຫວດໍາເນີນກິດຈະການຕົວຈິງແລ້ວ ສ້າງບົດບັນທຶກຮ່ວມກັນ ໂດຍມີການຢັ້ງຢືນຢ່າງຖືກຕ້ອງ ເພື່ອໃຊ້ເປັນບ່ອນອີງ ນໍາສະເໜີລາຍງານຂັ້ນເທິງໃນການພິຈາລະນາຕໍ່ໃບອະນຸຍາດ.
II. ສໍາລັບການລົງທຶນ ໃນບັນຊີກິດຈະການຄວບຄຸ້ມ
1. ໃບຄຳຮ້ອງຂໍຕໍ່ໃບອະນຸຍາດດຳເນີນທຸລະກິດກະສິກຳ ແລະ ປ່າໄມ້ (ພ້ອມດ້ວຍຮູບຂະໜາດ 3x4 ຈຳນວນ 02 ໃບ) ຕາມແບບຟອມຄໍາຮ້ອງ ກົມແຜນການ ແລະ ການຮ່ວມມື, ກະຊວງກະສິກໍາ ແລະ ປ່າໄມ້.
2. ບົດສະຫຼຸບລາຍງານການເຄື່ອນໄຫວດຳເນີນກິດຈະການໃນປີຜ່ານມາ (ຕາມຮ່າງບົດສະຫຼຸບລາຍງານ ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້ ໂດຍມີການຢັ້ງຢືນຮັບຮູ້ ຈາກ ພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ແລະ ຫ້ອງການກະສິກໍາ ແລະ ປ່າໄມ້ ຂັ້ນເມືອງ ທີ່ກ່ຽວຂ້ອງ).
3. ໃບຢັ້ງຢືນທີ່ດິນ ແລະ/ຫຼື ສັນຍາສົ່ງເສີມ ໃນຮູບແບບ 2+3, ທີ່ໄດ້ຮັບການອະນຸມັດຢັ້ງຢືນທຶກຕ້ອງຄົບຖ້ວນແລ້ວ (ໃນກໍລະນີຖ້າມີການດັດແກ້ປັບປຸງ).
4. ໃບອະນຸຍາດລົງທຶນ.
5. ໃບທະບຽນວິສາຫະກິດ.
6. ໃບທະບຽນອາກອນ ຫຼື ໃບຢັ້ງຢືນການມອບພັນທະເສຍອາກອນ.
7. ໃບອະນຸຍາດດຳເນີນກິດຈະການກະສິກຳ ແລະ ປ່າໄມ້ (ປີຜ່ານມາ).
ໝາຍເຫດ: 1). ໃນກໍລະນີບໍລິສັດໄດ້ໄປເຄື່ອນໄຫວກິດຈະການຢູ່ຫຼາຍແຂວງ ແມ່ນໃຫ້ເຮັດບົດສະຫຼຸບສະເພາະຂອງແຕ່ລະແຂວງ ໂດຍຜ່ານການຢັ້ງຢືນຮັບຮູ້ຈາກ ຫ້ອງການກະສິກຳ ແລະ ປ່າໄມ້ ຂັ້ນເມືອງ ແລະ ພະແນກກະສິກຳ ແລະ ປ່າໄມ້ ຂັ້ນແຂວງ, ນະຄອນຫຼວງ ບ່ອນທີ່ໄດ້ມີການດຳເນີນກິດຈະການໂຄງການນັ້ນ.
2). ໃນກໍລະນີບໍລິສັດບໍ່ມີບົດສະຫຼຸບລາຍງານການເຄື່ອນໄຫວດຳເນີນກິດຈະການໃນປີຜ່ານມາ ແລະ ບໍ່ມີການຢັ້ງຢືນຮັບຮູ້ຈາກ ຫ້ອງການກະສິກໍາ ແລະ ປ່າໄມ້ ຂັ້ນເມືອງ, ພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ທີ່ກ່ຽວຂ້ອງ. ກົມແຜນການ ແລະ ການຮ່ວມມື, ກະຊວງ ກປ ຕ້ອງສົມທົບກັບ ກົມ, ພາກສ່ວນທີ່ກ່ຽວຂ້ອງຢູ່ທ້ອງຖິ່ນ ແລະ ບໍລິສັດ ເພື່ອພ້ອມກັນລົງເກັບກໍາຂໍ້ມູນ ຕິດຕາມ ກວດກາ ການເຄື່ອນໄຫວດໍາເນີນກິດຈະການຕົວຈິງແລ້ວ ສ້າງບົດບັນທຶກຮ່ວມກັນ ໂດຍມີການຢັ້ງຢືນຢາງຖືກຕ້ອງ ເພື່ອໃຊ້ເປັນບ່ອນອີງ ນໍາສະເໜີລາຍງານຂັ້ນເທິງ ໃນການພິຈາລະນາ ຕໍ່ໃບອະນຸຍາດ.
III. ສໍາລັບການລົງທຶນ ໃນກິດຈະການບັນຊີສໍາປະທານ
1. ໃບຄຳຮ້ອງຂໍຕໍ່ໃບອະນຸຍາດດຳເນີນທຸລະກິດກະສິກຳ ແລະ ປ່າໄມ້ (ພ້ອມດ້ວຍຮູບຂະໜາດ 3x4 ຈຳນວນ 02 ໃບ) ຕາມແບບຟອມຄໍາຮ້ອງ ກົມແຜນການ ແລະ ການຮ່ວມມື, ກະຊວງກະສິກໍາ ແລະ ປ່າໄມ້.
2. ບົດສະຫຼຸບລາຍງານການເຄື່ອນໄຫວດຳເນີນກິດຈະການໃນປີຜ່ານມາ (ຕາມຮ່າງບົດສະຫຼຸບລາຍງານ ຂອງ ກົມແຜນ ການ ແລະ ການຮ່ວມມື, ກະຊວງກະສິກຳ ແລະ ປ່າໄມ້ ໂດຍມີການຢັ້ງຢືນຮັບຮູ້ຈາກ ພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ແລະ ຫ້ອງການກະສິກໍາ ແລະ ປ່າໄມ້ ຂັ້ນເມືອງ ທີ່ກ່ຽວຂ້ອງ).
3. ສັນຍາວ່າດ້ວຍການພັດທະນາໂຄງການ PDA/ສັນຍາສໍາປະທານກັບລັດຖະບານ CA, ທີ່ໄດ້ຮັບການອະນຸມັດຢັ້ງຢືນທຶກຕ້ອງຄົບຖ້ວນແລ້ວ (ໃນກໍລະນີຖ້າມີການດັດແກ້ປັບປຸງ).
4. ສັນຍາເຊົ່າ ແລະ ສຳປະທານທີ່ດິນລັດ ຮູບແບບ 1+4 ລວມທັງບົດສຳຫຼວດເນື້ອທີ່ດິນ ຫຼື ໃບຢັ້ງຢືນທີ່ດິນ ແລະ/ຫຼື ສັນຍາສົ່ງເສີມ ໃນຮູບແບບ 2+3, ທີ່ໄດ້ຮັບການອະນຸມັດຢັ້ງຢືນທຶກຕ້ອງຄົບຖ້ວນແລ້ວ (ໃນກໍລະນີຖ້າມີການດັດແກ້ປັບປຸງ).
5. ບົດລາຍງານການປະເມີນຜົນກະທົບຕໍ່ສິ່ງແວດລ້ອມທໍາມະຊາດ ແລະ ສັງຄົມ (ESIA) ຫຼື ບົດລາຍງານການສືກສາເບື້ອງຕົ້ນກ່ຽວກັບຜົນກະທົບຕໍ່ສິ່ງແວດລ້ອມ (IEE); ຫຼື ສ້າງແຜນການຄຸ້ມຄອງແລະຕິດຕາມກວດກາດ້ານສິ່ງແວດ ລ້ອມ (EMMP) ຫຼື ແຜນການຄຸ້ມຄອງແລະຕິດຕາກວດກາດ້ານສັງຄົມ (SMMP), ທີ່ໄດ້ຮັບການອະນຸມັດຢັ້ງຢືນຮັບຮອງທຶກຕ້ອງຄົບຖ້ວນ ຈາກ ຂະແໜງການຊັບພະຍາກອນທໍາມະຊາດ ແລະ ສີ່ງແວດລ້ອມ (ໃນກໍລະນີຖ້າມີການດັດແກ້ປັບປຸງ).
6. ໃບອະນຸຍາດລົງທຶນ.
7. ໃບທະບຽນວິສາຫະກິດ.
8. ໃບທະບຽນອາກອນ ຫຼື ໃບຢັ້ງຢືນການມອບພັນທະເສຍອາກອນ.
9. ໃບອະນຸຍາດດຳເນີນກິດຈະການກະສິກຳ ແລະ ປ່າໄມ້ (ປີຜ່ານມາ).
ໝາຍເຫດ: 1). ໃນກໍລະນີບໍລິສັດໄດ້ໄປເຄື່ອນໄຫວກິດຈະການຢູ່ຫຼາຍແຂວງ ແມ່ນໃຫ້ເຮັດບົດສະຫຼຸບສະເພາະຂອງແຕ່ລະແຂວງ ໂດຍຜ່ານການຢັ້ງຢືນຮັບຮູ້ຈາກ ຫ້ອງການກະສິກຳ ແລະ ປ່າໄມ້ ຂັ້ນເມືອງ ແລະ ພະແນກກະສິກຳ ແລະ ປ່າໄມ້ ຂັ້ນແຂວງ, ນະຄອນຫຼວງ ບ່ອນທີ່ໄດ້ມີການດຳເນີນກິດຈະການໂຄງການນັ້ນ.
2). ໃນກໍລະນີບໍລິສັດບໍ່ມີບົດສະຫຼຸບລາຍງານການເຄື່ອນໄຫວດຳເນີນກິດຈະການໃນປີຜ່ານມາ ແລະ ບໍ່ມີການຢັ້ງຢືນຮັບຮູ້ຈາກ ຫ້ອງການກະສິກໍາ ແລະ ປ່າໄມ້ ຂັ້ນເມືອງ, ພະແນກກະສິກໍາ ແລະ ປ່າໄມ້ ຂັ້ນແຂວງ, ນະຄອນຫຼວງ ທີ່ກ່ຽວຂ້ອງ. ກົມແຜນການ ແລະ ການຮ່ວມມື, ກະຊວງ ກປ ຕ້ອງສົມທົບກັບ ກົມ, ພາກສ່ວນທີ່ກ່ຽວຂ້ອງຢູ່ທ້ອງຖິ່ນ ແລະ ບໍລິສັດ ເພື່ອພ້ອມກັນລົງເກັບກໍາຂໍ້ມູນ ຕິດຕາມ ກວດກາ ການເຄື່ອນໄຫວດໍາເນີນກິດຈະການຕົວຈິງແລ້ວ ສ້າງບົດບັນທຶກຮ່ວມກັນ ໂດຍມີການຢັ້ງຢືນຢາງຖືກຕ້ອງ ເພື່ອໃຊ້ເປັນບ່ອນອີງ ນໍາສະເໜີລາຍງານຂັ້ນເທິງ ໃນການພິຈາລະນາ ຕໍ່ໃບອະນຸຍາດ.
|
