ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫຼື ການຈັດຕັ້ງທີ່ມີຈຸດປະສົງດຳເນີນການບໍລິການດ້ານວິຊາການ ຫຼື ທີ່ປຶກສາດ້ານສິ່ງແວດລ້ອມເຊິ່ງການບໍລິການດ້ານວິຊາການກ່ຽວກັບສິ່ງແວດລ້ອມປະກອບມີ: 
1. ການສຶກສາ, ວິເຄາະ, ປະເມີນຜົນແລະສ້າງບົດລາຍງານຜົນກະທົບຕໍ່ສິ່ງແວດລ້ອມແລະທຳມະຊາດທີ່ອາດເກີດຂຶ້ນຈາກການຈັດ ຕັ້ງປະຕິບັດຂອງໂຄງການລົງທຶນ ຫຼື ກິດຈະການພັດທະນາຕ່າງໆ ແລະ ທຸລະກິດຄອບຄົວ ພ້ອມທັງສ້າງແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມສັງຄົມ ແລະ ທຳມະຊາດ;
2.ການບໍລິການດ້ານເຕັກໂນໂລຊີທີ່ເປັນມິດຕໍ່ສິ່ງແວດລ້ອມ,ອາຄານເຄຫາສະຖານເປັນມິດຕໍ່ສິ່ງແວດລ້ອມ 
3.ການຄວບຄຸມມົນລະພິດ,ການຄຸ້ມຄອງສິ່ງເສດເຫຼືອ,ສິ່ງເສດເຫຼືອທີ່ເປັນອັນຕະລາຍແລະເປັນພິດ 
4.ການສຶກສາແລະສ້າງຈິດສຳນຶກເພື່ອສົ່ງເສີມຄຸນນະພາບສິ່ງແວດລ້ອມ 
5.ການບໍລິການກ່ຽວກັບການວາງແຜນການຄຸ້ມຄອງສິ່ງແວດລ້ອມແບບຮອບດ້ານ 
6.ການບໍລິການປະເມີນສິ່ງແວດລ້ອມແບບຍຸດທະສາດ 
7.ການບໍລິການຈັດຕັ້ງປະຕິບັດພັນທະໃນແຜນຄຸ້ມຄອງສິ່ງແວດລ້ອມແລະສັງຄົມຂອງໂຄງການ 
8.ການບໍລິການຕິດຕາມຄຸນນະພາບສິ່ງແວດລ້ອມ (ອາກາດ,ນໍ້າ,ສຽງ) 
9.ການບໍລິການການຄົ້ນຄວ້າແລະວິໄຈຄຸນນະພາບສິ່ງແວດລ້ອມ 
10.ວຽກງານອື່ນໆກ່ຽວກັບການບໍລິການວິຊາການດ້ານສິ່ງແວດລ້ອມ

1. ມີທະບຽນວິສາຫະກິດ, ບົດວິພາກເສດຖະກິດ-ເຕັກນິກ 
2. ມີຖານະທາງດ້ານການເງິນ ຢ່າງໜ້ອຍ 400 ລ້ານກີບ ໂດຍມີການຢັ້ງຍືນຈາກທະນາຄານໃນ ສປປ ລາວ ສໍາລັບ ການບໍລິການສຶກສາ, ວິເຄາະ, ປະເມີນຜົນ ແລະ ສ້າງບົດລາຍງານຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດທີ່ອາດຈະເກີດຂຶ້ນຈາກການຈັດຕັ້ງປະຕິບັດໂຄງການລົງທຶນ ຫຼື ກິດຈະການຕ່າງໆ ແລະ ທຸລະກິດຄອບຄົວ ພ້ອມທັງສ້າງແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມ ແລະ ມີຖານະທາງດ້ານການເງິນ ຢ່າງໜ້ອຍ 100 ລ້ານກີບ ສໍາລັບ ດຳເນີນການບໍລິການນັບແຕ່ຂໍ້ 2 ຫາ ຂໍ້ 10 (ລາຍລະອຽດໃນມາດຕາ 2 ຂອງຂໍ້ຕົກລົງວ່າດ້ວຍລະບຽບດຳເນີນບໍລິການດ້ານວິຊາການກ່ຽວກັບສິ່ງແວດລ້ອມ, ສະບັບເລກທີ 0345/ກຊສ, ລົງວັນທີ 22 ມັງກອນ 2015. 
3. ມີຊ່ຽວຊານດ້ານຊັບພະຍາກອນທໍາມະຊາດ ແລະ ສິ່ງແວດລ້ອມ ປະຈໍາການ ຢ່າງໜ້ອຍ 3 ຄົນຂຶ້ນໄປ ທັງນີ້ ຊ່ຽວຊານຕ້ອງມີວຸດທິການສຶກສາ ລະດັບປະລິນຍາໂທ ໃນສາຂາກ່ຽວຂ້ອງ. ໃນກໍລະນີໃຫ້ບໍລິການກ່ຽວກັບດ້ານການສຶກສາ, ວິເຄາະ, ປະເມີນຜົນ ແລະ ສ້າງບົດປະເມີນຜົນກະທົບຕໍ່ສິ່ງແວດລ້ອມແບບລະອຽດຕ້ອງມີຊ່ຽວຊານທີ່ໃຫ້ການບໍລິການສະ ເພາະດ້ານຢູ່ວິສາຫະກິດຢ່າງໜ້ອຍ 5 ຄົນຂຶ້ນໄປເປັນຕົ້ນດ້ານແຮ່ທາດ-ທໍລະນີສາດ, ອຸທົກກະສາດ, ດ້ານປ່າໄມ້ ແລະ ອື່ນໆສັງກັດຢູ່ວິສາຫະກິດ ແລະ ນອກຈາກ 3  ຄົນແລ້ວ ຫາກຈົບການສຶກສາຊັ້ນສູງ ຕ້ອງມີປະສົບການຢ່າງໜ້ອຍ 3 ປີ ແລະ ຊ່ຽວຊານຕ້ອງບໍ່ແມ່ນພະນັກງານລັດ ແລະ ບໍ່ເຄີຍຕ້ອງໂທດ 
4. ມີອຸປະກອນຫ້ອງການ ແລະ ເຄື່ອງມືຮັບໃຊ້ວິຊາສະເພາະຢ່າງພຽງພໍ ຕາມແບບພິມ 
5. ມີຜົນງານໃນການປະກອບສ່ວນໃນກິດຈະກໍາຕ່າງໆ ກ່ຽວກັບ ການປົກປັກຮັກສາຊັບພະ ຍາກອນ ທໍາມະຊາດ ແລະ ສິ່ງແວດລ້ອມ