ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ ຫລື ນິຕິບຸກຄົນ ທີ່ມີຈຸດປະສົງສ້າງຕັ້ງ ຫຼື ຍົກສະຖານະຂຶ້ນເປັນສະຖາບັນການສຶກສາຊັ້ນສູງ ຄື ສະຖານການສຶກສາ ທີ່ມີການຈັດຕັ້ງການຮຽນ-ການສອນຫລັກສູດ ຕາມສາຍວິຊາການ ເລີ່ມແຕ່ລະດັບອານຸປະລິນ ຍາຕີ ຈົນເຖິງປະລິນຍາຕີ.

ການສະເໜີຂໍຍົກສະຖານະຂຶ້ນເປັນສະຖາບັນການສຶກສາຊັ້ນສູງຈຳເປັນຕ້ອງມີຄົບ 06 ເງື່ອນໄຂມາດຕະຖານດັ່ງນີ້: 
1. ດ້ານໂຄງປະກອບການຈັດຕັ້ງ: ຊື່, ທີ່ຕັ້ງ, ພາລະບົດບາດ, ຮຸບແບບ ແລະ ກາໝາຍ
2. ດ້ານໂຄງປະກອບບຸກຄະລາກອນ: ມີບຸກຄະລາກອນ ແລະ ຄູສອນທີ່ພຽງພໍທາງດ້ານປະລິມານ ແລະ ຄຸນະພາບ ຕາມມາດຕະຖານ ທີ່ກະຊວງສຶກສາທິການ ແລະ ກິລາ ກຳນົດໄວ້
3. ດ້ານຫຼັກສູດ: ມີຫຼັກສູດຢ່າງໜ້ອຍ 3 ຫຼັກສູດ ຂຶ້ນໄປໂດຍໄດ້ຮັບການອະນຸມັດ ແລະ ຮັບຮອງການນຳໃຊ້ຈາກກະຊວງສຶກສາທິການ ແລະ ກິລາ
4. ດ້ານພື້ນຖານໂຄງລ່າງ: ມີອາຄານສະຖານທີ່, ຫ້ອງຮຽນ, ຫ້ອງທົດລອງ, ຫ້ອງສະໝຸດຕາມມາດຕະຖານຂອງກະຊວງສືກສາທີການ ແລະ ກິລາ ກຳນົດໄວ້ ແລະ ອື່ນໆ
5. ດ້ານສິ່ງອຳນວຍຄວາມສະດວກ: ມີພາຫະນະ, ອຸປະກອນຮັບໃຊ້ໃນການຮຽນ-ການສອນ ແລະ ອື່ນໆ
6. ດ້ານການເງິນ: ມີງົບປະມານ, ການເງິນ, ການລົງທຶນ ໃນການບໍລິຫານ ແລະ ການຄຸ້ມຄອງ

1. ນາຍົກລັດຖະມົນຕີ ອະນຸຍາດການສ້າງຕັ້ງ ສະຖາບັນການສຶກສາຊັ້ນສູງປະເພດ 1 ທຸກຮູບແບບ (ລະດັບຊາດ, ລະດັບນາໆຊາດ) ຕາມການສະເໜີຂອງກະຊວງສຶກສາທິການ ແລະ ກີລາ ແລະ ການຈັດຕັ້ງຂະແໜງການກ່ຽວຂ້ອງ 
2. ລັດຖະມົນຕີວ່າການກະຊວງສຶກສາທິການ ແລະ ກີລາ ອະນຸມັດການສ້າງຕັ້ງ ສະຖາບັນການ ສຶກສາຊັ້ນສູງ ທຸກຮູບແບບ ຂອງລະດັບພາກ, ແຂວງ ຫລື ຊຸມຊົນ ແລະ ສະເພາະຂະແໜງການ ຕາມການສະເໜີຂອງອົງການຈັດຕັ້ງ ແລະ ຂະແໜງການທີ່ກ່ຽວຂ້ອງ 
3. ລັດຖະມົນຕີວ່າການ ກະຊວງສຶກສາທິການ ແລະ ກີລາ ມີຄໍາສັ່ງແນະນໍາ ເລກທີ 155/ສສກ, ລົງວັນທີ 31 ມັງກອນ 2013 ບໍ່ອະນຸຍາດໃຫ້ເປີດການສອນ-ການຮຽນຫລັກສູດໃໝ່ ໃນລະດັບ ປະລິນຍາຕີ ຫລື ສູງກວ່ານັ້ນ ແລະ ອະນຸຍາດໃຫ້ເປີດການຮຽນ-ການສອນຫລັກສູດແຕ່ລະດັບຊັ້ນອານຸປະລິນຍາຕີລົງມາເທົ່ານັ້ນ. 
4. ຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການອະນຸມັດການສ້າງຕັ້ງ ສະຖາບັນການສຶກສາຊັ້ນສູງ ສະບັບເລກທີ 8643/ສສກ, ລົງວັນທີ 25/12/2017.
5. ຄຳແນະນຳຂອງກົມການສຶກສາຊັ້ນສູງວ່າດ້ວຍການຍົກສະຖານະຈາກວິທະຍາໄລເປັນສະຖາບັນ ສະບັບເລກທີ 242/ຊສ, ລົງວັນທີ 19/03/2018